یثربی ترک ائدوب گئدور ، نور دو چشم فاطمه

خروج از مدینه
.
زبدة الاشعار
.
: @nohe_torki
.
#رجبعلی_محمدی ( #زاهد_زنجانی )
.
یثربی ترک ائدوب گئدور ، نور دو چشم فاطمه
هر کیم ائشیتدی بو سؤزی ، قلبی گلوب تلاطمه
.
.
بویوردی اوغلی اکبره ، عترتیمه ایله خبر
سفر تدارکی گورون ، گرک بو گون ائدک سفر
قالساق اگر مدینه نه ، ولیدیدن یتر خطر
یازوب یزید او ناکسه حکومتونده قالگیلان
ولی حسینیدن منه بو گونده بیعت آلگیلان
.
.
یزیدین عقلی اولسا گر ، بئله جسارت ایلمز
بیلر که اهل باطله ، حسین اطاعت ایلمز
حسین ولیّ حقّدور ، یزیده بیعت ایلمز
پیمبرین عزیزینه ، محالیدور که ال تاپا
مگر شهید ائده منی ، جنازَه م اوسته آت چاپا
.
.
اولوب خفاده منتشر ، امامین امری اُول زمان
هامی بیلوب بو مطلبی ، ائدوبله ناله و فغان
سکینه آه و وائیله ، دئدی رقیّه هارداسان
اماندی گل گییندیریم ، سفر لباسیوی باجی
گتور مرتّب ایلیوم ، هامی اساسیوی باجی
.
.
گتور لباس تازه وی ، تمام زیب و زیورین
هانی او گوشواره که ، ائدوب هدیّه اکبرین
ندن ایتورموسن اؤزون ، ندن اسور بس اللرین
اماندی باجی آغلاما ، نه چوخدی نازیوی چکن
دلیل یوخدی آغلیوب ، عذاره گوز یاشی توکن
.
.
یغوبدی باشه عترتین ، او نور چشم مرتضی
صولدا حسن نشانه سی ، ساقدا شبیه مصطفی
قاباقدا ماه هاشمی ، او بدر لیلةالدُّجی
گئدور الینده پرچمی ، شتابیله صاقا صولا
مباد آل عصمته ، ویا حسینه هتک اولا
.
.
بیر الده پرچم ظفر ، بیر الده تیغ آبدار
مهابتیله سیر ائدور ، یَلِ سپهر اقتدار
مگر جسارت ائتماقا ، حسینه کیمده عرضه وار
سالا جنازه سین یره ، جهیمه ایلیه روان
امیر لشگر حسین ، وزیر جنگ قهرمان
.
.
سوار ائدور حرملری ، نه عزّتیله محمله
بودور تمام کوششی ، یتورسون امن منزله
بو همّتی بو کوششی ، چکر بیر عالی محفله
یقین فضیلت آرتیرار ، او سروره بو اهتمام
علاقه سین محبّتین ، فزون ائدر اونا امام
.
.
جلا و جاه و عزّیله ، سوار ائدولّه زینبی
آلوب آرایه مهر و مه ، او نازدانه کوکبی
سالور خیالیمه ولی ، بو مطلب آیری مطلبی
بلا چولونده زینبی ، کیم ائتدی ناقیه سوار
کیم اولدی میر کاروان ، اولاندا شامه رهسپار
.
.
نه وار عزیز قارداشی ، نه واردی میر لشگری
نه عون وار نه فضل وار ، نه قاسم و نه اکبری
قضا موفّق ایلیوب ، او قوم کینه پروری
اسیر ائدوبلر عترت ، رسول حیّ داوری
طناب ظلمه باغلیوب ، اوشاقلاری حرملری
.
.
تصوّر ائت نه حالته ، قالار او بانوی جهان
نه وار کمکلوق ایلین ، نه واردی دادینه چاتان
علاوه دوره سین آلوب ، بیر عدّه دینینی ساتان
اسوللر آهو بچِّه لر ، دوشوبله دام ذلّته
دوتوب اود آشیانه لر ، یتوب ستم نهایته
.
.
اماندی سالما « زاهدا »، اؤرکلری تلاطمه
سنی نظردن آتماسون او نور چشم فاطمه
وجودیوه یتورمسون ، گُنَه نشان لاطمه
عزیز عالم ایلسون ، سنی عزیز انس و جان
دئسون الهی عفو ائله ، بودور بیزیمچی نوحه خوان
.
.
#سبک_ای_حرمینه_ناز_ائدن … 3 سبک
.
.
#خروج_مدینه
#یثربی_ترک_ائدوب_گئدور_نور_دو_چشم_فاطمه
#ترکی
.
#زبدةالاشعار
.
: @nohe_torki