یخدی منی آتدان قوشون، امداده تئز گل #قاسمیه_کریمی_مراغه_ای

استمداد حضرت قاسم علیه السلام
.
✍️ زبدة الاشعار ✍️

?: @nohe_torki
.
سبک :: ای درد بی درمانلارا …
.
كریمی مراغه ای
.
یخدی منی آتدان قوشون، امداده تئز گل
قویما قالا نعشیم عمو، صحراده تئز گل
.
.
لشگر عمو آلدی بو بی‌یاری آرایه
یوخ بیر کسیم، چخمیر سسیم، تئز گل هرایه
اولما رضا باشیم گئچه، نوکِ جدایه
آهو کیمی صید اولموشام، صیّاده تئز گل
فریاده تئز گل
.
.
قالدی ئورکده حسر‌تیم، ای پادشاهیم
جان اوستیم، دشمن ویرور، یوخ دادخواهیم
سنده‌ن سورا کیمدیر منیم، پشت و پناهیم
قویما بو قدری یالواریم، جلاده تئز گل
فریاده تئز گل
.
.
ازبس ویروبلار سینمه، اوخ دسته دسته
قان چوخ گئدیب دوشدوم یره، من زار و خسته
بو جان وئر‌ن وقتیمده بیر، گل باشیم اوسته
آخر یتیمَم‌ لطف ائله، سال یاده تئز گل
فریاده تئز گل
.
.
باشیم سنوب باتیب نفس، گل ایله چاره
وئرمز امان تا بیر زمان، قاتل بو زاره
دشمن باخار اشکیم آخار، گؤزد‌ن عذاره
یوخدور آتام لطف ایله بو ناشاده تئز گل
فریاده تئز گل
.
.
توپراقلار اوسته قالمیشام، یوخ سایه‌ بانیم
قانیم آخور جانیم چخور، یوخدور توانیم
قویما آنام اولسون همیشه، نوحه‌خوانیم
قالدی یارالی پیكریم، اثناده تئز گل
فریاده تئز گل
.
.
#سبک_ای_درد_بی_درمانلارا (بیش از 10 سبک با واگیر و بدون واگیر)

.
#قاسمیه_شهادت
#یخدی_منی_آتدان_قوشون_امداده_تئز_گل
#کریمی_مراغه_ای
#ترکی
.
✍️ #زبدةالاشعار✍️

?: @nohe_torki