طفلان زینب (ع)
.
زبدة الاشعار
?: @nohe_torki
.
محمدرضا نصیری میانجی
.
یولا میدانه حسین زینبون اوغلانلارینی
شکوه ائتمم توکه گر قوم عدو قانلارینی
.
.
زینبون عهد ائلیوب یاور و غمخوارون اولا
کربلاده هامیدا گئتسه مددکارون اولا
قوی بو اوغلانلاریمی جنگ ائلیوب یارون اولا
دین حق اوسته حسینجان وئره لر جانلارینی
.
.
قوی دیوم هر ایکیسی گوزلرووه قربان اولا
بیری شش ماهه علی اصغرووه قربان اولا
بیری لب تشنه ئولن اکبرووه قربان اولا
باغلیوبلار ائله اکبر کیمی پیمانلارینی
.
.
سنون عشقون منی بو دشت و بیابانه چکوب
اکبرون داغی حسینجان سینمی قانه چکوب
باجون اوغلانلارینی ساحت جانانه چکوب
قانلاریلان ئوزون امضا ائله دیوانلارینی
.
.
بو محندن صورا آیری غمه دل باغلامارام
دوشسه لر دام بلایه سینه می داغلامارام
گلمسه نعش لری خیمه لره آغلامارام
گرک القان بزیه گل کیمی میدانلارینی
.
.
دینه خاطر گرک ئوز گوزلری القانه باتا
یارالی جسم لری خنجر و پیکانه باتا
اکبر اوغلون کیمی گل جسمی لری قانه باتا
قانیلن زیب ائدلر غملی گلستانلارینی
.
.
قلبیمی غصه بولوب اکبروون باشی کیمی
دوزدی یولداش دولانار دهریده یولداشی کیمی
قوی دئسونلر که علینون قیزی قارداشی کیمی
یولیوب مقتله دل یاره لی قربانلارینی
.
.
زینبون عشقی (نصیری) گله حاشا رقمه
قلبوون علقه سینی باغلا او قاره علمه
عرض عشق ایله گیلن عالمه ی محترمه
یعنی یاز بو خانیمون نوحه جانسوزلارینی
.
.
#سبک_یارالی_جان_یارالی (بیش از 4 سبک شامل سبکهای کربلا منتظر ماست … شهریاریمسن آقا …. )
پخش‌کننده صوت
.
#طفلان_زینب
#یولا_میدانه_حسین_زینبون_اوغلانلارینی
#نصیری_میانجی
#ترکی
.
#زبدةالاشعار
?: @nohe_torki
: @nohe_torki . #سبک_دل_شب_ایلیوب_سفر … 4 سبک . مرحوم تائب تبریزی . ره خیامی باغلیوب بساط ظلمی قورمیون خدنگی سینه مه وورون ولیک مشکه وورمیون . . کسوب قباقیبیشتر
نظر دهید