#عاشورا_گونی
.
✍️ زبدة الاشعار ✍️
?: @nohe_torki
.
مرحوم صافی تبریزی
.
یوم عاشورا دی یا روز قیامت دیر بوگون
یا قیامت عرصه‌سیندن بیر علامت دیر بوگون
.
عالم باطنده ایمدی کربلا قان آغلیور
خنجر قاتل باخیر مقتوله هر آن آغلیور
بیر طرفده لیلی‌زار و پریشان آغلیور
بیر طرفده زینبه گویا قیامت دیر بوگون
.
گه گلور تل اوسته اول نالان باشیندا اللری
گه ییغیرباش‌سیزلاری باشه تؤکور یاش گوزلری
گه گیدور گاهی دورار از بسکه تترر دیزلری
آخر اول بیچاره ده گور بیرنه حالتدور بوگون
.
هر طرفدن ایمدی دشمن‌لر آلوب دور و بری
قانه غلطان ایلیوبلر شاهزاده اکبری
تیغ و خنجرله اولوبدور پاره‌پاره پیکری
ام لیلی گور نئجه صاحب سعادت دور بوگون
.
ووردیلار از بس بوگون بیحد جراحت قاسمه
زخم خنجر حاصل ائتدی استراحت قاسمه
قوردی شاه کربلا اسباب عشرت قاسمه
قان حنا یاخدی او عشرتدن اشارت دور بوگون
.
کربلا دشتی دولوب بوگون فغان و دادیله
دولدوروب صحرانی زینب ناله و فریادیله
سالدیلار عباسی آتدان قامت شمشادیله
نه باشی سالم نه قوللاری سلامت دور بوگون
.
بیر طرفده شمر دورموش خنجر برانیله
بیر طرفده سرور دوران لب عطشانیله
نقد جان الده دوتوب سودا ائده جانانیله
چون گورردی یاخشی بازار تجارت دور بوگون
.
حرمله بیر یاندا الده ناوک پیکان دوتوب
متصل قان قان دیور چون گوزلرینی قان دوتوب
اصغری ایلوب نشان اصغر الینده جان دوتوب
کربلاده گور بو ساعت بیر نه ساعت دور بوگون
.
نه شه لب تشنه‌دن قوم ستمگر ال چکر
نه شرار دل نه اشگ دیده تر ال چکر
نه قویور گئتسون او بی‌کسدن حرملر ال چکر
نه خیال یاردن بیر لحظه راحت دور بوگون
.
سالدیلار پیغمبر اوغلون ذوالجناح اوستن یئره
قاره یئللر اسدی عالم دگدی یکسر بیربیره
قطب دین اطرافین آلدی قوم کین چون دایره
روزگار دون بو دوروندن خجالت دور بوگون
.
ئولدوروب اول سروری طبل بشارت چالدیلار
حضرت زهرانون الدن اختیارون آلدیلار
قرخه دین عورت اوشاق السیز ایاق‌سیز قالدیلار
شاه دین قتله یئتوب روز شهادت دور بوگون
.
ظلم ایله اؤلدوردولر بوگون مدینه شاهنی
اهل‌بیتین سویدیلار یاندیردیلار خرگاهنی
باغلادیلار ظلم الیله اول شهون درگاهنی
ووردیلار باشین جدایه قتل و غارت دور بوگون
.
#عاشورا
#یوم_عاشورا_دی_یا_روز_قیامت_دیر_بوگون
#صافی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید