وداع حضرت سید الشهداء علیه السلام
.
✍️ زبدة الاشعار ✍️
?: @nohe_torki
.
مرحوم غلامعلی باقری الهام (هوشی تبریزی)
.
بیله ایلمه تعجیل اماندور آنام اوغلی
گوزوم یاشی دالونجا رواندورآنام اوغلی
.
ایاق ساخلا دایان ای منیم روح وروانیم
رضا اولما شرارِ غمِ هجریوه یانیم
دایان باشیوه بیرده بویول اوسته دولانیم
بولورسن منه هجرون گراندورآنام اوغلی
.
بواطفا لیوه بیرده حسین ایله نظاره
هامی نی کیمی قارداش گلورگورنجه زاره
نه چاره ایدوم آخر نِدیم من گونی قاره
بوچولده سنه حالیم عیاندورآ نام اوغلی
.
گلستان وفاده اولان ای گل خوشبو
جهان وار نقدر وار بو رسمیت نیکو
گیدن دمده مسافر سپللر دا لیجا سو
گلوم منده سپوم سو دایاندورآنام اوغلی
.
اگر اولماسا لطفون بو شوریده سریله
یانار آتش غمده وجودیم شرریله
دایان منده سپوم سو حسین اشگ تریله
سویوخ گرچه سرشگیم رواندورآنام اوغلی
.
دل عالمه سالموش شرر آتش آهون
منی نار ملاله یاخار طرز نگاهون
دیمه شهسن حسینیم سنون یوخدی سپاهون
خدنگ غمه قلبون نشاندور آنام اوغلی
.
آلوب صبریوی شوق رخ وصلت جانان
گیدن یولاریوا گیت بو زینب اولا قربان
جلودار اوزوم اولاّم سنه ای شه خوبان
سپاهوندا بو فوج زنان دور آنام اوغلی
.
بیله حالیوی پوزما سن ای قلبی شکسته
دل زاریمی ایتمه عزیزیم بیله خسته
دایان بوینوما بیرده سالوم قول بویول اوسته
آلوم عطریوی بیرآن دایان دور آنام اوغلی
.
بوهجرانه حسینیم دوتوم منده دوزوم وار
اولطفونده ولیکن بولورسن که گوزوم وار
دایان دلده نهانی سنه بیرجه سوزوم وار
ایدوم عرض اونی فرصت بوآندور آنام اوغلی
.
اگر چه سنی جانان ایدوب بزمینه دعوت
ایله دعوتی حقدن ایدوبسن سن اجابت
یتوشماقه وصاله ایدورسن بیله سرعت
قیتما قیوی سویله هاچاندور آنام اوغلی
.
خیامه داخی بوللم اولا رجعتون حاشا
ایدوب بیرجه وصیت آنام حضرت زهرا
بو غازوندان اوپم ای گل گلشن طاها
همان لحظه بودم بو زماندورآنام اوغلی
.
یوزه (هوشی) دمادم سرشگ تری باغلا
سالوب یاده وداع شه تشنه نی آغلا
بو شاه بیتویوی ذکرایت دل عالمی داغلا
بیله ایلمه تعجیل امان دور آنام اوغلی
.
.
#وداع
#بیله_ایلمه_تعجیل_اماندور_آنام_اوغلی
#هوشی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید