ائدوبسن سینمی سینا مثالی غرق نور ای اوخ #حسینیه_لاادری

#ای_اوخ …
زبانحال حضرت اباعبدالله الحسین (ع) با تیر سه شعبه
.
.
.
شاعر ؟؟
.
.
ائدوبسن سینمی سینا مثالی غرقِ نور ای اوخ
کلیم لله بو سیناده تاپار فیضِ حضور ای اوخ
.
.
بو بیر صندوقدور بطنینده جنسِ اِتَّقُوا واردی
خریداریم باخور، بیعُ شراده گفتگو واردی
بیلور سنکی بو صندوق ایچره اسرارِ مگو واردی
گلوب سرِ مگو دیوانین ایلورسن مرور ای اوخ
.
.
چالوبسان الرّحیل آهنگیم اولموش راهِ وصلت باز
وصاله یول تاپان عاشق مگر معشوقه ایلر ناز
علی اکبر داغی اوستن علی اصغر مزارین قاز
قازیلسین سینه لرده دیلسیز اطفاله قبور ای اوخ
.
.
واریدی سرنوشتیمده اگر سن پیک یار اولسان
خصوصا جنسون آهندن سه پر هم زهردار اولسان
بو مأموریّتون قورتاردی سینمدن کنار اولسان
تجلٰی ایلییَر نورِ خداوندِ غفور ای اوخ
.
.
دئدیم یاٰ رَبِّی اَرنی، سس گلوبدی فاصلم چوخدی
دئدیم چاره ندور؟ سس گلدی چاره بیر سه پراوخدی
سن اگلشدون اورک باشینده گؤردوم فاصله یوخدی
مرادِ عشقیم ئوز شکلیمده ایلوبدی ظهور ای اوخ
.
.
بو گوداله دمادم جاری اولمش دم منیمکیدی
ندای فَادخُلی فیٖ جَنَّتیٖ هردم منیمکیدی
اَلَم اَعْهَدْ اِلَیْکُمْ یٰا بَنیٖ ٰادَمْ منیمکیدی
منیم سینمده دور قرآن و انجیل و زبور ای اوخ
.
.
بیر آز بوندان قاباق سن تک بیر اوخ بیر چلّه دن چیخدی
دگوب عباسین آلنیندان عقاب اوستن یئره یخدی
علمدارئولدی، آی باتدی، دلِ آل اللهی سیخدی
عیان اولدی بو چؤلده قیزلارا یوم النشور ای اوخ
.
.
ایکیمجی اوخشارون بوسه وروب اصغر بوغازیندن
قوجاقیمده بالام چِرپندی قوش تک دوشدی نازیندن
اولوبدی آلتی آیدا مفتخرعشق امتیازیندن
بنی هاشم اوشاقلیقدان اولاللار ذی شعور ای اوخ
.
.
.
.
#قتلگاه
#حسینیه_شهادت
#ائدوبسن_سینمی_سینا_مثالی_غرق_نور_ای_اوخ
#لاادری #ای_اوخ_لاادری
#ترکی
#زبدةالاشعار