کوفه
زبانحال حضرت زینب (س)
.
✍️ زبدة الاشعار ✍️
?: @nohe_torki
.
محمدرضا صادقی (شیدا)
.
ای زینبون جانی سنه قربان حسینیم
نیزه باشوندا سن اوخی قرآن حسینیم
.
ای ناطق قرآن اوخی آیات حقی
گوستر بو خلقه نیزه ده مرآت حقی
ایله جدا اوسته حسین اثبات حقی
احکام دینی سن ائله اعلان حسینیم
.
تا نیزده قارداش باشون اولدی نمایان
گوردوم باجون ئولسون باشوندا تازه بیر قان
بیر آیری غم ائتدی منین قلبیمی شان شان
بولدوم کول اوسته یر وئروب عدوان حسینیم
.
آثار کول بو قلبیمی یاندیردی یاخدی
الله بولور خون دلیم رخساره آخدی
تیر شمادت اهل کوفه قلبه تاخدی
آز قالدی زینب بوردا وئرسون جان حسینیم
.
بئش ایل دولانمیشدیم بو شهری من ، یارالی
خلق ایچره گزمیشدیم آنام جانی حیالی
کیمسه دئمور ناچار اولوب حیدر عیالی
بیرده گلوب بو کوفیه مهمان حسینیم
.
بو خلقیده یوخدور حسین ذره نجابت
آخر قوناقه رسمیدور ایلله حرمت
اما بیزی بو شهریده قوم جهالت
داش الده پیشواز ائتدی چون دونان حسینیم
.
تا من ائشیتدیم ناقه ده صوت تلاوت
تاپدیم اورکده یا حسین آیری جسارت
باش ناقیه چالدیم بونی بولسون جماعت
باجی اولار قارداشه پشتیبان حسینیم
.
بو عشقی قوی گورسون عدو چکسون خجالت
باخ نیزه دن قارداش منی ایله حمایت
زینب سنه قربان ایله قرآن تلاوت
بلکه بیر عده گتدیلر ایمان حسینیم
.
الده بهانه ایلیوب « شیدا» کلامی
تا عمری وار دفترده نقل ایلر پیامی
دائم اورکدن وار بیزه قارداش، سلامی
قویما قیامتده قالا حیران حسینیم
.
.
#سبک_ای_درد_بی_درمانلارا ( بیش از 10 سبک با واگیر و بدون واگیر)
.
#کوفه
#ای_زینبون_جانی_سنه_قربان_حسینیم
#محمدرضاصادقی
#ترکی
.
✍️ #زبدةالاشعار ✍️
?: @nohe_torki
نظر دهید