زبدةالاشعار

ای بیان خلق و خلق و منطقی منشور نور #فاطمیه_عابد_تبریزی

مدح حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
مرحوم عابد تبریزی
.
ای بیان خلق و خلق و منطقی منشور نور
اصل و فرع و هیئتی ماهیتینده نور نور
.
عالم ناسوتیده منصوره اسمی ظاهراً
نشئۀ لاهوتیده ذاتا اولان منصور نور
.
گون نجه فرط شعاعیندن گورونمز بیر گوزه
عزتین اوج جلالتدن اولوب مستور نور
.
نور الانواره مثلسن غایه القصوای زهد
عصمتین اوج کمالی لمعۀ موفور نور
.
غیر معصوم اولمادی گورسون فروغ عصمتین
گون کیمی اولدی وجودون هر گوزه مهجور نور
.
وحی منزل تک حلول ائتدون ولایت بیتینه
ایتدون اول کاشانه نی مقصورۀ معمور نور
.
هاردا ترکیب عناصردن دیوم ابداعیوه
رقّ منشوره یازوب حق آیت مسطور نور
.
سن او دریای عنایت سن که حق تقدیر ایدوب
سندن اولسون منتزع هر لوءلوء منشور نور
.
سن مویّد سن مویّد اصطناع حقیدن
تا زمان وار اولماز اولسون مدت مفصور نور
.
حقی باطل عدلی ظلم امکانی یوخ سرکوب ایده
دوتسا ظلمت عالمی قهار اولار مقهور نور
.
صبحی باطل ایستدی شام ایتسون اما بُلمدی
صبح صادقدور همیشه لیلۀ دیجور نور
.
نوره ظلمت یوخدی امکانی غشا اولسون بلی
پوزدی امواج ظلامی همت مشکور نور
.
سنله اسرار مکارم عالمه مکشوف اولوب
هر نهان ظلمات امکاندور اولار مشهور نور
.
بیر قاپون یانماق دیمم سیندوردی اجلالون سنین
شعله سیندن بلکه دوتدی کایناتی شور نور
.
شب پرستان اولدولار رسوا هامی ادواریده
طالع اولدی گون اولوب اهل ظُلم منفور نور
.
یانمالیدی اول در رحمت ایا صاحب زمان؟
عامل بو کینه ممکندور اولا معذور نور؟
.
لا یمین الله بیله بیر ظلمه یوخ امکان عذر
بو جفایه اولمادی صبر ایلماق مقدور نور
.
صدر مصدومون دیمم نقصان قدر اولدی سنه
معنی انی انا اللهه مثلدور طور نور
.
سرو تک دوشدون ایاقدان لیک جور و کینه دن
سنگ بیدادیله سیندی ساغر بلور نور
.
گوزلرینده موج اشکی بلمورم گوردی علی
یا گوروب طوفان درد لجۀ مسجور نور
.
دیدۀ حق بین حق یاغدوردی اشک لعل گون
تا اولوبدور شاهد آئینه مکسور نور
.
نور سن نورای هامی انواره مطلع فاطمه
منطق قدسیده سنسن واژۀ مذکور نور
.
خامه اولمازدی یازا اوصاف نوری مطلقا
اولماسیدی بو نگرِشده اگر دستور نور
.
قلب « عابدده » نقدری زنگ وار آگاهسن
پاک اولار زنگاری لازمدی اولا منظور نور
.
گوهر اعمال خیره اولمیوب چاتسون الیم
دست خالی گلمیشم درباره گنجور نور
.
ویر غبار آستانیندن جواهر سرمه تا
دیدۀ کم سوی خاطر اولماسین رنجور نور
.
.
#فاطمیه_مدح
#ای_بیان_خلق_و_خلق_و_منطقی_منشور_نور
#عابد_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای اولان محراب ایچینده قانینه غلتان علی جان #حیدریه_حضرتی_ناعمی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی