کوفه
.
زبدة الاشعار
.
?: @nohe_torki
.
فقیر خویی
.
گوردوم ویروبلا باشین
نوک جدایه قارداش
باشون دالیجا گلدیم
سایه به سایه قارداش
.
چیخموشدی عرش حقّه نی دن،او رأس اطهر
نیزه باشیندا گوردوم قرآن اوخوردی لبلر
عیناً تصوّر ائتدوم برپا اولوندی محشر
باخدوقجا جان تاپوردیم،نوک جدایه قارداش
.
چیخدوم ازل اوزومدن،گورجک بو ازدحامی
آلموشدی زینبوندن اول قانلی باش دوامی
طوفان یاراتدی واللاه اول احمدی کلامی
شکر ایلدیم دوباره،فضل خدایه قارداش
.
سندن سورا او چولده بیر آیری حاله قالدوم
باخدوقجا من جدایه،یاپراق کیمی سارالدوم
اولسون ایراق گوزوندن،قارداش دونن قوجالدوم
دور گور نقدری دوشموش باشیم بلایه قارداش
.
هر غصه دن چتیندی بو عاشقه فراقین
سالدی منی ایاقدان،بو دردِ افتراقون
داش ویردولار او قدری،قانه دولوب دوداقین
یوخ بیر نفر یتیرسین ایندی هرایه قارداش
.
اخیامه ویردولار اوت،مردانه من دایاندوم
بال و پریم توکولدی،ظلم آتشینده یاندوم
ایش بیر یره دایاندی،سولدی رباب اوتاندوم
گلموشدی نینواده،نی تک نوایه قارداش
.
سن عهدیوه یتیردین امر شهادتیله
منده سنه شریکم، بو عهده همّتیله
کامل اولار بو نهضت قید اسارتیله
تا گئتمه سین حقیقت،امری خفایه قارداش
.
چوخ ایستیرم حسینجان،وصله یِتم قاپوندا
یوخ بیر زادیم «فقیرم» چوخدی کرم قاپوندا
ارباب باوفاسن،منده ایتم قاپوندا
نوحه یازوب سوروننم بزم عزایه قارداش
.
.
#سبک_احوالیمیز_یاماندی … بیش از 10 سبک
.
.
#کوفه
#گوردوم_ویروبلا_باشین_نوک_جدایه_قارداش
#فقیر_خویی
#ترکی
.
#زبدةالاشعار
.
?: @nohe_torki
: @nohe_torki . . آهنگ :: کنار قدمهای جابر . . حاج علی #زلفی_تبریزی . . منم زینب ام المصائب منم دختر بوالعجائب منم معدن حجب و عصمت جلالتده زهرایهبیشتر
نظر دهید