کوچ از شام – اربعین
..
..
..
..
مرحوم سعدی زمان
..
..
..
..
کوچ از شام و مقدمه اربعین :
..
ای بلبل ایله ناله که فصل چمن گیدر
گلشن پوزولدی موسم سور و سمن گیدر
..
بیر گل که باشینه دولانوردون صباح و شام
ایمدی سولوبدی گلشنه زاغ و زغن گیدر
..
گللر سولوب چمن پوزولوب دیده لر دولوب
گوز یاشلاری عذاره چو سیل دَمَن گیدر
..
بلمم نه واردی شش جهتی دوتموش انقلاب
یردن سپهر طاقینه ناله ندن گیدر
..
گویا حجاز قافله سی شهر شامدن
پوزقون قطاریله ایدوب عزم وطن گیدر
..
شمرین الیندن آل پیمبر خلاص اولوب
دشت بلایه آل شه ممتحن گیدر
..
غم مکتبینده درسین آلوب ازبر ایلیوب
تدریس عشقه درد و بلانی سون گیدر
..
معمورۀ وفاده غم دل دیماخلیقا
آلتی آی خرابه یرده جفایه دوزن گیدر
..
استاد عشق زینبه مشق وفا ویروب
اثبات عشقه رام بلا و فتن گیدر
..
از بسکه تازیانه وروبلار سپاه شام
نیلی اولوبدی قولّاری چون یاسمن گیدر
..
باشدا قرا دیلینده حسین وای دیه دیه
قارداش حضورینه او مصیبت چکن گیدر
..
یاسلی عزالی باشی قرالی بدن یانوب
زلفی آقارمیش اگنینه قاره گین گیدر
..
اللر اورک باشندا توکر قانلو گوز یاشی
جان تک باسوبدی باغرینا بیر پیرهن گیدر
..
یعقوب دشت کرب و بلا شام یوسفی
کرب و بلانی ایتماقا بیت الحزن گیدر
..
یعنی غلام تک قولی باغلو اسیر اولان
بازار شامی قولّاری باغلو گزن گیدر
..
سجاد بوینونون غل و زنجیر یاره سین
ویرماخلیقا حسینه نشانه علن گیدر
..
داماد قبرینه سو سپه اشگیله عروس
زلف سریله گرد و غبارین سیلن گیدر
..
کلثوم آلوب الینه ابوالفضل بیرقین
قارداش دیر او غمکش دور زمن گیدر
..
..
اربعین:
..
..
کرب و بلایه یتدی غرض هاشمیه لر
توضیح عشقه مرقد یاری گورن گیدر
..
برج حیا ستاره لری ایتدیلر نزول
شمس امامته غمینی بُلدورن گیدر
..
گون دوره سینده هاله وروب مه جبین لر
دلدار محضرینده گورون اگلشن گیدر؟
..
بزم وصالده آچیلوب هجر صحبتی
عرشه فغان آل شه مؤتمن گیدر
..
بی هوش اولان باشنا ووران زلفینی یولان
بیر شیون اولدی سوزی دئمه سینه دن گیدر
..
قبر حسینه یوز قویوب علیا مُکَرَّمه
هوشه اونون او حالتینی فکر ایدن گیدر
..
عرض ایلدی حسین باجون ئولسون ایاقه دور
باشسیز عیالون ایلیوب عزم وطن گیدر
..
بو مشگبو مزاری نجه ترک ایدوم گیدوم؟
بیله یره مگر آنام اوغلی گلن گیدر
..
سندن سورا او قدر بلا گورمشم دیسم
یتمز تمامه طول اولی طرز سخن گیدر
..
گوردوم گیدنده شامه بارالی وجودوی
کفار شام یرده قویوب بیکفن گیدر
..
وارد اولاندا کوفیه قول باغلی دستگیر
گوردوم کسوک باشوی جدا اوسته من، گیدر
..
باشون گوروردی نیزده، بیگانه مجلسه
بیر دسته باش آچوخ یوزه زلفین توکن گیدر
..
گوردون اوزون او حالیده بیچاره زینبون
درّ سرشگی اولموش عقیق یمن گیدر
..
ابن زیاد مجلسنه گیتمدیم اوزوم
هر یانه گیسته روح یانینجا بدن گیدر
..
آهو کیمی منی باشون ایتمشدی بند قید
هریان چکلسه رسمیدی دامه دوشن گیدر
..
شامین یولی مُجسّم اولور گوزده دمبدم
دلدن مگر او قدر بلا و محن گیدر
..
قرآن اوخوردی شامه گیرنده کسوک باشون
گورجک جداده قانلو باشون پیره زن گیدر
..
بیرداش ووروب جبینوه قان دوتدی صورتون
باخموب اوقانه مذهب و دینی ثمن گیدر
..
بزم یزیده چکدیله بی پرده، عترتون
دلدن مگر مصیبت اول انجمن گیدر؟
..
دوشدوقجا یادیمه منیم اول شرب مجلسی
قان گوز یاشیم عذاره چو درّ عدن گیدر
..
شامی قیزون اسیر گوروب ایسته دی کنیز
کفّاره گور کنیز عروس حسن گیدر؟
..
جان ویردی بیر قیزون قوری یرده خرابه ده
گوردوم قولوندا مدفنه نقش رسن گیدر
..
قالدی غریب قبری او توزلی مزارینه
بیر دفعه ایلده بیت خدایه گیدن گیدر
..
یتمز تمامه آل پیمبر مصیبتی
سوز چوخدی ای #حسینی نقدری دئسن گیدر
..
آغلار گوزیله ایسته حسینون زیارتین
قبرین خلوص نیتیله ایستین گیدر
..
هر چند وار بو شعرده ایطاء قافیه
بیر فنّ دور ولی بو یولی هر بولن گیدر
..
..
#کوچ_شام
#اربعین
#سعدی_زمان #کوچ_شام_سعدی_زمان
#ای_بلبل_ایله_ناله_که_فصل_چمن_گیدر
#کنزالحسینی2 ص 322
#ترکی
#زبدةالاشعار
متن های پیشنهادی برای شما
زمانه ایتدی منیم قدیمی کمان آقاجان #مهدیه
یا مهدی . 
#زبدةالاشعار . 
: @nohe_torki . کربلایی فخرالدین اسکندری( جائد ) . زمانه ایتدی منیم قدیمی کمان آقاجان فراق و هجریوه صد آه و صد فغان آقاجان . ایاقلارون گوزومه قوی بویور قدم رنجه گلن قدملریوه فدیه دور بوبیشتر
چکدی ال صیاد ملعون صیدیدن #اربعین_مصیبی_تبریزی
اربعین . . مصیبی تبریزی . . چکدی ال صیاد ملعون صیدیدن کاروان غم باش آچدی قیدیدن . خلقه گورستدی ئوزون نادم یزید ائتدی آلُ اللٰهین اکرامین مزید . ایسته دی اولسون مبّرا کینه دن بیلسون عالم ، پاک دور آئینه دن . عزّتین آرتوببیشتر
قارداش بو نجه یردی مسلمانی ویرالّار
کوفه . زبدة الاشعار ?: @nohe_torki . مرحوم طوری تبریزی . قارداش بو نجه یردی مسلمانی ویرالّار بو کوفه لیلر کوفه ده مهمانی ویرالّار . قانیله ویروب بسکی یوزون آی کیمی هاله بی حال ایلیوب زینبوی سالدی بوحاله بنزرآنامبیشتر
او دردمند که تاپمور علاج دنیاده #کاظمیه_سعدی_زمان
شهادت حضرت امام کاظم (ع) . #زبدةالاشعار . : @nohe_torki . مرحوم سید رضا حسینی سعدی زمان . او دردمند که تاپمور علاج دنیاده عریضه اشکیله یازسون غریب بغداده . گُل عشقی اولماسا بلبلده آه و زار اولماز گُلنده گُل اودیبیشتر
خلقت باشنین افسری یا حضرت سجاد #سجادیه_هدایت_تبریزی
مدح حضرت امام سجاد علیه السلام . #زبدةالاشعار . : @nohe_torki . هدایتی تبریزی . خلقت باشنین افسری یا حضرت سجاد گنج ادبین گوهری یا حضرت سجاد . گل لبلری گولسه گل آچار باغ جناندا عطر آگین ایدر گل لری یا حضرت سجاد بیشتر
ای ویرن ویرانه یرده توپراق اوسته جان رقیه #حضرت_رقیه_سیفی_اردبیلی
زبانحال حضرت زینب (س) در شهادت حضرت رقیه (س) . #زبدةالاشعار . : @nohe_torki . #سبک_ای_ویرن_ویرانه_یرده 
مرحوم استاد #سلیم_موذن زاده . سیفی اردبیلی . ای ویرن ویرانه یرده توپراق اوسته جان رقیه دائماً حسرتدن آغلاربیشتر
نظر دهید