زبدةالاشعار

گلموشم بوقبرون اوسته خسته زوارم بابا #اربعین_هوشی_تبریزی

اربعین
زبانحال حضرت سجاد(ع)
.
✍️ زبدة الاشعار ✍️
.
🆔: @nohe_torki
.
مرحوم غلامعی باقری الهامی (هوشی تبریزی)
.
گلموشم بوقبرون اوسته خسته زوارم بابا
دور منه خاک شفا لطف ایله بیمارم بابا
.
.
ای مسیحا دم آدی ای درد دنیایه دوا
هرمریض عشقه خاک قبری ای خاک شفا
دردیمه مین حسرتیله منده درمان آلماقا
گلموشم دارالشفای عشقه بیمارم بابا
.
.
اونداکه قانه بویاندوردی سنی اشرارکین
همره اولدوم عممّه قول باغلی منده شامه دین
ایلدوخ قارداش بالاسی عمّه تبلیغات دین
هرگورن بولدی که دینه من هوادارم بابا
.
.
کوفه ده اوّلده من بیرنهضت ایجاد ایلدیم
بیرایله نهضت که خلقی حقّه ارشادایلدیم
یعنی عریان ناقه اوسته خطبه ایرادایلدیم
اهل کوفه آنلادی نطقی گهر بارم بابا
.
.
خارج ازدین ایستدی وُرسون زیاد اوغلی قدم
نقشه سین نطق لسان اللهیله ایتدیم بهم
قتلیمه جلّاد احضارایتدی غیظیندن اودم
گوردی چون قول باغلی اشراره گرفتارم بابا
.
.
ایلدی طغیان او ظالم ظلم بی پایانیده
قلبیمی دوندردی قانه کوفۀ ویرانیده
ساخلادی بیر نچّه گونده گوشۀ زندانیده
باخمادی آخرمریضم زارو تبدارم بابا
.
.
گرچه چکدیم کوفۀ ویرانه ده بیحد بلا
عاقبت اولدوم خلاص ای شهریارکربلا
قانلی باشون نیزده یول لاردا اولدی رهنما
گوردوم آخر گیتماقا شاماته ناچارم بابا
.
.
محنت شامات جسمیمده داخی جان قویمادی
اهل حقین احترامون اهل بطلان قویمادی
ظلموده شام اهلی یعنی جای نقصان قویمادی
گوردولرچون هرجفا گلسه خریدارم بابا
.
.
قویمادیم شام ایچره نقصان منده تبلیغاتیده
لطف حق یار اولدی گیتدیم منبره شاماتیده
ایلدیم رسوا یزیدی بیر نچه آیاتیده
هامّی بولدی حُجّت خلاّق دادارم بابا
.
.
منبراوسته شیرحق تک ایله گفتارایلدیم
زادۀ هند جگر خواری بابا خوار ایلدیم
خواب غفلتدن آیوتدوم خلقی بیدارایلدیم
مرتضایه بولدولرعالمده آثارم بابا
.
.
قویمادیم قالسون همین نطقیمله دللرده دوزوم
ثابت ایتدیم کونه حقی دلده بواولدی سوزوم
نقطۀ پرگاردینم حُجّت اللهم اوزوم
هم سوزوم حق هم اوزوم حقه سزاورم بابا
.
.
آنلادی خلق عالم امکاندا خلقه رهبرم
بواسارتله حبیب ذات حی داورم
هم امامم هم اوزوم ذرّیِۀ پیغمبرم
سرور دین سرپرست آل اطهارم بابا
.
.
ایلدیم اثبات شاه مشرقینین اوغلیام
مُهجۀ زهرا رسوله نورعینین اوغلیام
جانویرن دین اوسته لب تشنه حسینین اوغلیام
مسلمم گر چه اوزوم مغلول کفّارم بابا
.
.
چاتدی مأموریّتیم پایانه ای میرهدا
شکراولا پروردگاره ایلدی عمروم وفا
شامیدن اولدوم دوباره رهسپارکربلا
ایمدی کامه چاتموشام پابوس دلدارم بابا
.
.
کوچ ایدنده کربلادن اولمادی فرصت منه
نعشون اوسته باش آچیدیم بیرگلیدیم شیونه
ایمدی گلدیم قبرون اوستونده دوتام ماتم سنه
اللریم قوینومدا گوز یاشلی عزادارم بابا
.
.
گرچه مدتدورغم هجرونله اولموش الفتیم
واریدی بو مدتدی دلده ولی بو حسرتیم
قبر پاکون ای بابا بیرجه اولیدی قسمتیم
ایمدی وصله یتموشم محو رخ یارم بابا
.
.
درگهون عالمده بیردربارعالی جاه اولوب
تربتون خاک شِفای هرگدا وشاه اولوب
اهل عشقه مدفنون عالی زیارتگاه اولوب
بوزیارت گاهه گلدیم منده زوارم بابا
.
.
عمرونی(هوشی)ایدرمصروف هرلیل ونهار
درگه پاکوندا عالی خدمت ایلرآشکار
ایسته حقدن سنده تاهرشعری اولسون آبدار
بوسوزونده بیله که من زیب اشعارم بابا
.
.
.
.
#سبک_زینبم_جان_اوستیم … 4 سبک
.
.
.
.
#اربعین
#گلموشم_بو_قبرون_اوسته_خسته_زوارم_بابا
#هوشی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای اهل کوفه مسلمم اهل قرآنم #مسلمیه_تائب_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی