ای تراب تیره دل گنجینۀ تقوادی بو #فاطمیه_هادی_تبریزی

زبانحال حضرت علی (ع) خطاب به بقیع
.
✍️ #زبدةالاشعار ✍️
.
🆔: @nohe_torki
.
مرحوم #هادی_تبریزی
.
ای تراب تیره دل گنجینۀ تقوادی بو
زهرۀ برج رسالت حضرت زهرادی بو
.
.
سن صدف سن بو سینان درّ یتیم عصمته
سن قفس سن محبس شهباز اوج همّته
ساخلا راحت طعنه وور بو امّت بی غیرته
حرمت ایت، مخدوم هاجر مریم و سارادی بو
.
.
بانوان دین دانشگاهینه استادیدی
بیر زن مردآفرینِ چرخِ بدبنیادیدی
افتخار بانوان عالم ایجادیدی
یکّه تار آسمان عصمت و معنادی بو
.
.
خاطراتی محو اولونماز صفحۀ افکاریدن
عالمه ویردی تکان بیر نطق آتش باریدن
جان ویروب آخِرده بو ظلم در و دیواریدن
قوی دیوم واضح قتیل مجلس شورادی بو
.
.
سنده مدفون اولدی شهبانوی شاهنشان دین
دختر آزاده خوی رحمة للعالمین
همچو دیبا اوستونده قویدی گورمیش صورتین
سینه دن زخمین مسمار خدنگ آسادی بو
.
.
شعلۀ لرزان شمع دینه بو پروانه دی
عشقیله افسون اولوبدی فاطمه افسانه دی
بو یارالی حضرت پیغمبره ریحانه دی
کوره راهِ مُلک عشقه خسته رهپیمادی بو
.
.
ای بقیعون توپراقی زهرا امانتدور منه
روز محشر مُسترد ایله نه جور ویردیم سنه
قبری قوی گیزلین قالا ویرمه نشانه دشمنه
جان ویرن وقته منه بو نکته نی گویادی بو
.
.
خاکریز ایستردی ایتسون قبر زهرانی او شاه
سپدی گرد سیمگون قبر بتوله گویده ماه
پیکرین آغوشینه آلدی نسیم شامگاه
سسلدی راحت یاتا قوی دختر طاهادی بو
.
.
خاکریز ایتدی اودم قبر بتولی بوتراب
یوز دوتوبدی گوئیا ماهه بیله ایتدی خطاب
بستر زهرایه سپدون گرد سیم ماهتاب
دختر پیغمبره بیر خدمت باجادی بو
.
.
گرد مهتابیله اولدی بستری چون پرّ قو
چکدی آغوشه نسیم شب اونی چون آرزو
زخم مسمارین ایدر کیم سینه سی اوستن رفو
سالها بولّم که جسم پاکینه ایذادی بو
.
.
ایتمیه تا قائم آل رسول الله قیام
آلمیه تا قاتل زهرادن اخذ انتقام
حشره تک تاپماز یقیناً صدر زهرا التیام
گور نه بیر زخم عمیقه قبریده دارادی بو
.
.
جان ویرنده ایستیوب پنهان اولونسون مدفنی
ایلمه زهرا یانندا شرمگین سنده منی
اولما راضی قبرینی تاپسون ستمگر دشمنی
سن اوزون یاخشی بولورسن کشتۀ اعدادی بو
.
.
بو گجه بیرده غروبه ایلمه اصلاً شتاب
زینبه قوی چیره اولسون بو گجه بیر لحظه خواب
صبح آچیلسا قلب معصومین دوتار چوخ اضطراب
عصمت صغرادی زینب، عصمت کبرادی بو
.
.
کربلاده سیریوین تاخیرینی جبران ایله
مغربه تیز گیت بولود آتدا اوزون پنهان ایله
ساربانی سعی قیل تا یولدا سرگردان ایله
توپراق آتدا مادر مقتول عاشورادی بو
.
.
تیز غروب ایت تا او چولده تازه دن قان آخماسین
بو بلادیده گلوب بیر ظلم شومه باخماسین
اوز آغارمیش زلفینه خون حسینی یاخماسین
غنچۀ عشق حسینه بلبل شیدادی بو
.
.
تیز غروب ایت تا کول اوستونده کسوک باش یاتماسین
حنجریندن قان آخوب خاکستری ایسلاتماسین
خون و خاکسترله روی شاه عطشان باتماسین
سانماسین آی باتماقین، مهر جهان آرادی بو
.
.
قتلگاهه گلسه بیر قیز خیمه گهدن نصف شب
قتلگاهه سالما نورون ایت مراعات ادب
چون اوشاق قورخار تلالو ایلسه آلات حرب
موج اندوه حسینیمدن سنه ایمادی بو
.
.
خیمه گهدن ایلینده زینب عزم قتلگاه
نصف شبده سن اونا آچ نوریویله شاهراه
آختاران وقته قیزین سن ویر نشان قتلگاه
چون رضای مرتضی و حضرت اعلادی بو
.
.
کیم دوتا « هادی » مقدّم آل طاها خدمتین
گون به گون افزون ایدر حق رتبه سین شخصیّتین
اصغر خاقانیه حق شامل ایتسون رحمتین
چون تمنّای اونیله واقعاً انشادی بو
.
.
#سبک_زینبم_جان_اوستیم … 4 سبک
.
.
#فاطمیه_شهادت
#ای_تراب_تیره_دل_گنجینه_تقوادی_بو
#ترکی
.
✍️ #زبدةالاشعار ✍️
.
🆔: @nohe_torki