زبانحال حضرت زینب(س) در اربعین حسینی
.
.
مرحوم غمکش
.
.
من گیدنده بو مکاندان پیکری یارالی قارداش
مقتله گلنده محشر ایلدیم عزالی قارداش
اکبرونله سن اولوبسان بوردا کربلالی قارداش
من اسیر دشمن اولدوم گلریم سولوب سارالدی
گلمدی منیله قارداش شامده رقیه قالدی
.
.
قیزلارون رسن قولوندا بیر بیر اضطرابه دوشدی
یاندی قلب زار زینب لخته قان نقابه دوشدی
اونداکی گوزیم برادر نی‌ده آفتابه دوشدی
جور ظلم ساربانه چاره اولمادی الیمده
کوفیه گیدنده قالدی یا حسین آدون دلیمده
.
.
سیلی ضربه سی گوگردوب قیزلارون گوزون بو یرده
اولمادی بیری ایشیتسون قارداشیم سوزون بو یرده
قان دوتوبدی شمر دونین بیرزمان گوزون بو یرده
زینبم سرشک ماتم خون قلبه قاتمیشام من
قانلی قتلگهده قارداش ال قلینجا آتمیشام من
.
.
خولینین اولیدی ای کاش مطبخی اوگون خرابه
کللَر اوسته سن یاتاندا دوندی قلبلر کبابه
آغلیوبدی ام کلثوم یوز ویروبدی غم ربابه
زلفلریم بویاندی قانه کوفده قیامت اولدی
قمچی‌لر یاغاندا گویدن خواهرون خجالت اولدی
.
.
الغرض بو یرده سندن اللریم اخا ئوزولدی
باشداکی قانیم الیم تک محمله منیم سوزولدی
اشک ماتم رقیه ماه روینه دوزولدی
«غمکشه» عنایت ایله ای امیر اهل عالم
عشقیدی ایکی جهاندا یازدی باشدا قاره پرچم
.
.
شمر بی‌حیا الینده قمچی محشر ایلینده
گللرون سولوب سارالدی گورمدون نجه چمنده
ئولدی باغریقان رقیه چوللره باجون دوشنده
آغلادیم خرابه‌لرده هجر و ماتمونده قارداش
وار یری یانا بو عالم غصه و غمنده قارداش
.
.
#اربعین #غمکش #ترکی #زبدةالاشعار
نظر دهید