جان جهان ای سرور بَطحا عم اوغلی #فاطمیه_هوشی_تبریزی

زبانحال حضرت زهرا سلام الله علیها
.
ــــ
#سبک ها
#سبک_ای_درد_بی_درمانلارا … 10 سبک
پخش‌کننده صوت

ــــ
#سبک_یا_فاطمه_من_عقده_دل_وا_نکردم
واگیر برای این سبک :
مظلومه ام من (2)
ــــ
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر برای این سبک :
بند دل پیغمبرم
محزون و زار و مضطرم
مظلوم عم اوغلی (2)
ــــ
.
مرحوم غلامعی باقری الهامی ( #هوشی_تبریزی )
.
جان جهان ای سرور بَطحا عم اوغلی
گل حسرتیله جان ویرور زهراعم اوغلی
.
.
اگلش باشیم اوسته ایله قرآن تلاوت
تسلیم ایدوم بو جانیمی جانانه راحت
.
.
دست عداوت روحیمی ایلوبدی خسته
ترک ایلورم دنیانی من پهلو شکسته
گل بو بلالی باشیمی آل بیردیز اوسته
حسرتله سندن آیرولورزهرا عم اوغلی
.
.
آزاشگ چشمه رخصت ای شاه جهان ویر
اگلش کناریمده منه لطفون نشان ویر
عیسی دمونله جسمیمه بیرتازه جان ویر
ای بودمون مبهوتی مین عیسی عم اوغلی
.
.
هر لحظه گر چه آتش آهمله یاندیم
درگاهیمی یا ندوردولار یاندیم دایاندیم
نه ظلمیله گوردون اوزون قانه بویاندیم
یوخ دلده امّا شرحینه یارا عم اوغلی
.
.
رحلت ایدن گوندن آتام آغلارگوزوم وار
هرگزبو هجرانه دیمه منده دوزوم وار
بواودلی دلده بیرنچه گزلین سوزوم وار
گل ایلیوم بیر بیر سنه افشاء عم اوغلی
.
.
اوّل بو دورعرضیم سنه ای خسرو دین
قومیا گله تشیعیمه قوم بدآئین
ویرغسلومی گزلین منی قوی قبره گزلین
اولسون مزاریم خلقیدن اِخفا عم اوغلی
.
.
آز بو دل مَحزونیمی غرق ملال ایت
لطف وکرم ای خسروگردون جلال ایت
ویّرم قسم حقّه منه حقون حلال ایت
ای جمله اوصاف حقه دارا عم اوغلی
.
.
هجران آلوبدور صبریمی وار شور و شینیم
آخرحسینیله حسن دور نورعینیم
آرام جانیمدور منیم خاصّه حسینیم
قویما سولا اول نوگل زیبا عم اوغلی
.
.
جانان ایدوب بزم وصاله گرچه دعوت
ایلوم گرک دوردعوتین منده اجابت
امّا بو غملی سینه ده واردور جراحت
قالدون هامی محنتله سن تنها عم اوغلی
.
.
بیرباغبانم دوشدوم آیری اوزگلومدن
بیرکیمسه یوخ آگاه اولا درد دلیمدن
یعنی جدااولدوم حسین تک سویگلومدن
دلده بو حسرتدورغم عُظمی عم اوغلی
.
.
ترک ایلوری دنیانی بو غم آشناسی
دلده ملالی سینه ده گرچه یاراسی
امّا حسینین باشینین وار چوخ بلاسی
ایلوب اوحالی صبریمی یغما عم اوغلی
.
.
بوللم حسینین بیرغم عظماسی واردور
یعنی باشیندابیربیوک غوغاسی واردور
کربوبلاده روز عاشوراسی واردور
آغلار اونا دنیا و ما فیها عم اوغلی
.
.
ظلمونده اشرارزمن طغیان ایدللر
جسم حسینی قانینه غلطان ایدللر
دست ستمله خرگهین تالان ایدللر
اوندا قوپار بیر محشرکبرا عم اوغلی
.
.
سانما جفادن قوم کین پرور دویاللار
تیرغمیله قلب دنیانی اویا لار
گل جسمین اوچگون اوچ گجه عریان قویالار
آغلار او حاله دیدۀ دنیا عم اوغلی
.
.
گرچه اولوب غمدن گوزومده گوندوزوم شب
بیرده اولاربو باره دن روحیم معذّب
قویماعم اوغلی آغلاسین کلثوم و زینب
اشگیله دولسون دیدۀ شهلاعم اوغلی
.
.
هرچند #هوشی غرق دریای خطا دور
امّا بیزه وار نسبتی اهل عزادور
ایسته اوزون مُستوجب لطف وعطا دور
توفیق ویرسین خالق یکتا عم اوغلی
.
.
.
#فاطمیه_شهادت
#جان_جهان_ای_سرور_بطحا_عم_اوغلی
#هوشی_تبریزی
#ترکی
.
.