جان ویرن یتمیش ایکی قربانه قربان شیعه لر #ورود_محرم_ثابت_اردبیلی

ورود محرم
رجز – سینه زنی – زنجیر زنی
.
.
ثابت اردبیلی
.
.
جان وئرن یتمیش ایکی قربانه قربان شیعه لر
باغلانان اللهیلن پیمانه قربان شیعه لر
.
.
پنج تن اسرارینون، آرام جان، ناکامینه
طوی اطاقی باغلانان قربان اولان اسلامینه
باش وئرن حجّاج دینون قانیلن احرامینه
جان فدای آیۀ قرآنه قربان شیعه لر
.
.
فاطمه دلبند ینون قولسوز وزیر جنگینه
اصغر شش ماهه نون قونداق سرخ رنگینه
تلّون اوسته ال باشیندا زینب دل تنگینه
عرش اعلایه بلند افغانه قربان شیعه لر
.
.
کیمیادن ایلین اشرف بلا صحراسینی
باشی اوسته آغلادان باشی آچوق زهراسینی
جان کیمی آغوشه آلمیش دوغرانان اعضاسینی
نیزه ده گون تک اولان تابانه قربان شیعه لر
.
.
ساربانون اللرینده اللره بیزدن سلام
قوملار اوسته قان ایچینده پیکره بیزدن سلام
اوخلی پیکر سایه بانی زلفلره بیزدن سلام
دین یولوندا دوغرانان مردانه قربان شیعه لر
.
.
آت دوشونده اوچ یاشیندا ال باشیندا دختره
قمچی آلتیندا اورک لرزان دوشوبدور چوللره
اکبر شهزاده نون قانین یاخوبدور زلفلره
قورخولی چولده قالان طفلانه قربان شیعه لر
.
.
ایسلانان قاسم جوانون طوی حناسی قانیلن
خنجر آلتیندا ائدن راز و نیاز سبحانیلن
سسلدی امدادینه شاهی یارالی جانیلن
نوعروس قاره پوش قربانه قربان شیعه لر
.
.
میر هدایت منزلینده بو سوزی ائتدیم رقم
کیم حسینه خدمت ائتسه محترمدور محترم
«ثابتم» اولموش مرکب گوز یاشیم مژگان قلم
یار و انصاری گئدن سلطانه قربان شیعه لر
.
.
#ورود_محرم #ثابت_اردبیلی #ترکی #زبدةالاشعار