گوزوم یاشی قانا دوندی سرشک آلوندن #فاطمیه_حسین_ساکت

حضرت زهرا سلام الله علیها
.
زبدة الاشعار
.
: @nohe_torki
.
#حسین_ساکت
.
گوزوم یاشی قانا دوندی سرشک آلوندن
سارالدی گُل کیمی رنگیم او رنگ و حالوندن
.
دئدوم که جان وئرورم گَل ائداخ خداحافظ
ملالیم آتدی گورنده غم و ملالوندن
.
باخیر حسین و حسن آغلاما فراقیمده
اجازه وئر سیلیم اشکون رخ لئالوندن
.
ندن خجالت ائدورسن بتولی جان اوسته
گوروم که قلبیوه غم یتمسون حلالوندن
.
بئله خیال ائله دنیایه گلمیوب زهرا
فدا سنه غم زهرانی آت خیالوندن
.
اَجل منی آپارور آستان مولادن
دئمه دویوب گئدورم خلوت وصالوندن
.
قدم بهشته ده قویسام گینه آچیلماز دل
هنوز دویمامیشام جلوۀ جمالوندن
.
وئرنده غسل گوررسن که سینمین اوسته
مدال سرخ واریم عشق بی مثالوندن
.
کلام وحییله روحوم قوشی دوتوب الفت
گتور دیله ، دیلیمی شکّرین مقالوندن
.
قاپیم یاناندا یانان حالیوه یانوب قلبیم
هله یانوب یاناجاقدور او گون که حالوندن
.
سن ای یگانه هستی همان دلاورسن؟
که شیر شرزه قاچاردی صف قتالوندن
.
نه اولدی فاطمه نی ووردولار دوروب باخدون
نگاه عقل تحیّرده دی خصالوندن
.
و لیک فاطمه آگاهیدی بو معنادن
ملول اولما ولیّیم او انفعالوندن
.
بو صون نفسده فقط خواهشیم بودور سندن
قصوریم اولسا گذشت ایله اوز جلالوندن
.
یوزی قراده اولا «ساکتین» غلاموندور
گوتورمه سایۀ لطفون سر بلالوندور
.
#فاطمیه_شهادت
#گوزوم_یاشی_قانا_دوندی_سرشک_آلوندن
#ترکی
.
#زبدةالاشعار
.
: @nohe_torki