او کس که سن کیمی بالا بلایه طالب اولار #غزل_یحیوی_اردبیلی

غزل
.
.
ایلچی ( یحیوی اردبیلی )
.
.
او کس که سن کیمی بالا بلایه طالب اولار
بو یولدا قسمتی آلامیله مصائب اولار
.
بو یول جنون یولودور اختیار آلار الدن
عطش اورکلری سیخدیقجا روحه غالب اولار
.
جنون اودور که چکر عاشقی فنا چولینه
وجودی عشقه دولاندا شعوره غالب اولار
.
جنون اودورکه یخار عقلی تار و مار ایلر
مجاز دور اونا هر ایش اگر چه غاصب اولار
.
حقیقی عشقه اینانسا گوگل ویرر عاشق
فنایه سینه آچوب مظهرالعجایب اولار
.
منایه کیمسه شهادتدن اوتری قویسا قدم
اونا قلجلارا باش ویرماق امری واجب اولار
.
گل ای گوزل گونوشوم گوزلریمده صبحی اویات
کی عشقین آیناسی آیدین صباحه راغب اولار
.
شراب لفظینی قاموسیدن سیلر زاهد
زمان الیله دونوب می فروشه کاتب اولار
.
اگرچه «یحیویدن» ،«ایلچی» ارث آلوب ذوقون
«فضولی» مشربی وار منزلتده «صائب» اولار
.
.
#غزل #یحیوی_اردبیلی #ترکی #زبدةالاشعار