هایانداسان سنی ای نوبهاریم آختاریرام #مهدیه_الماسی_اهری

یا مهدی
.
.
اصغر الماسی اهری
.
هایانداسان سنی ای نوبهاریم آختاریرام
اورگده مایه ی صبر و قراریم آختاریرام
.
سنین محبتیوه من اسیر اولان گوندن
دونوب بر عکس اولونوب روزگاریم آختاریرام
.
نه وار امیدیم اورگده نه دلخوشام اوزومه
منیم همیشه اولان خوش مداریم آختاریرام
.
فلک مداری آقا سازیش ائتمدی منیلن
که تکجه سنسن اولان سازیگاریم آختاریرام
.
یامان غریبه گونه قالمیشام هراییمه گل
دوتولدی دیده ی پر اشکباریم آختاریرام
.
دونوبدی ظلمت اولوب گوندوزوم فراقینده
بو ظلمت ایچره منیم آشکاریم آختاریرام
.
وقار و شهرت و شأنیم سن اولماسان کئدجک
جهاندا سنسن اولان اعتباریم آختاریرام
.
اضافه بوندان آقا قویما عمرومی داغیلا
باشیم اغاردی چوخالدی فشاریم آختاریرام
.
بو قدری نیسگیلیم الماسیا قوتارمیاجاق
گلن دگول باشا بو انتظاریم آختاریرام
.
#مهدیه
#هایانداسان_سنی_ای_نوبهاریم_آختاریرام
#الماسی_اهری
#ترکی
.