در مقام حضرت اباعبدالله الحسین علیه السلام
.
✍️ زبدة الاشعار ✍️
.
🆔: @nohe_torki
.
حاج اصغر فرشچی
.
گورمیوب چشم جهان سن تک وفاده یاحسین
ما سواللهدن گچه راه خداده یاحسین
.
ثبت اوراق ایتموسن میثاقوی آفاقیده
ویرموسن یتمیش ایکی قربان مناده یاحسین
.
مکتب حرّیتّونده دانش آموز اصیل
اولدی عاشق کربلاده گلدی داده یاحسین
.
نمرۀ عالی آلانلار امتحان عشقیده
آدلاری ثبت اولدی اوراق بقاده یاحسین
.
هانسی عاشق سن کیمی اولدی فنا فی الله عشق
خلقه تا سرمشق اولا دار فناده یاحسین
.
درس دین ویردون سن ای استاد دانشگاه دین
یوخدی بیراستاد اولا سن تک رضاده یا حسین
.
شین عشق اولدی شهادت مقصدون اولدی حصول
تک نه عالم قالدی حیران انبیاده یا حسین
.
عشقی معنی ایلدون آگه اولا آزادگان
عاشقین باشی گزر نوک جداده یاحسین
.
بیر قیامیلن قیامت ایلدون روز بلا
سن تحوّللر یاراتدون هر بناده یاحسین
.
دوزمدون جور یزیده نهضته آچدون علم
دوزمَسون یعنی مسلمان لار جفاده یاحسین
.
هر یری ایتدون قیامونلا اولوبدی کربلا
ال قویورملّت قیامه هرخطاده یاحسین
.
دال دنیا تک خم ایتدی قامتون درد ملال
چون گوروردون ظلم وجوری آشناده یاحسین
.
کلّ حصّه هر بلادن قسمت اولدی تک سنه
جانه آلدون هر بلانی هرقضاده یاحسین
.
شمردون ایستردی ذبح ائتسون قفادن باشیوی
بیر بیره لبلر دیورگوردی دعاده یاحسین
.
گرنمازاوسته ویروب انگشترین شیرخدا
بارماقون سن ویرموسن کربُ بلاده یا حسین
.
قتلگاه عشقیده انگشت و انگشترویروب
راضی سالدون بجدلی سن اول عطاده یاحسین
.
زینبون گوردی اورک یاندی اولاندا نوحه خوان
آغلادی زهرا آنان جنّت سراده یاحسین
.
صدقیلن گوز یاشی توکسه ماتمونده کیمسه گر
یر اونا جنت اولار روزجزاده یا حسین
.
هرمریض ناعلاج خاک مزارون آختارار
چون بولور درمانینی خاک شِفاده یاحسین
.
توپراقی میل ایلماق گرچه حرام ایلوب خدا
لیک استثناسی وار نزد خداده یا حسین
.
معصوم ایچره تک سنون خاک مزاروندی حلال
وار نَلَر بو توپراقِ مشکل گشاده یاحسین
.
زایران قبروه قائل اولوبلار امتیاز
وارمحبت زایره مَن لا یُراده یاحسین
.
ساخلانار ایللر بویی بزم عزا حالاتیوه
گوزیاشی جاری اولارصبح و مساده یاحسین
.
جمع ایدرگوز یاشلارون زهرای مرضیه آنان
بزمه بانی دور حضوری وار عزاده یا حسین
.
هرمحرّم اون گونی ایوای حسین وای سسلنر
پیر و برنا شرکت ایلر اول صداده یاحسین
.
آل طاهادی قیامتده شفیع عاصیان
وار گوزی عاصیلرون اهل کساده یا حسین
.
شافع روز قیامت سن اوزون اوغلانلارون
اسموون وارعزتِی آل عباده یاحسین
.
ایستوری سیزدن شفاعت « عدلی » قورخورحشریدن
جان زهرا لطف ایله بو التجاده یاحسین
.
.
#حسینیه_مدح
#ورود_محرم
#گورمیوب_چشم_جهان_سن_تک_وفاده_یاحسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید