سرشکیم جوشه گلدی باشدان آشدی #عباسیه_واقف_سرابی #بیخود_سرابی

شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحومین بیخودسرابی – واقف سرابی
.
سرشکیم جوشه گلدی باشدان آشدی
خبردار اول گوگل سر چشمه داشدی
.
دوشوبدور روز عاشورا خیاله
خیالیم وار ایداق عباسه ناله
.
خبر ویر اهل درده هر مریضه
سرشک چشمیله یازسون عریضه
.
سرشکیله دولوبدور مشک دیده
اخار سقا یولوندا اشک دیده
.
ابوالفضل عاشقی شرمنده اولماز
اُلنجه منّت دشمنده قالماز
.
گلور قانلی علم قانلی الینده
النده قبرین اول منزلینده
.
گوررسن گل جمالین شاد اولارسان
فشار قبریدن آزاد اولارسان
.
اوچوب گوگلوم عقابی چیخدی اوجه
فراته باخدی دگموش موج موجه
.
حجاب موجدن گوردی عقابی
عقاب استه دوتولموش آفتابی
.
کسوف مهریدن ظاهردی مطلب
گرک قول باغلی گیتسون شامه زینب
.
هوادن اود دوتوب اودلاندی گوگلوم
علمدار حسینه یاندی گوگلوم
.
بو سقای شهید کربلادور
اولا هر مشکلون مشکل گشادور
.
الوب اذن شهادت قارداشیندان
فراتی موجه سالسون گوز یاشیندان
.
گلوب دریا کیمی جوش و خروشه
سوئی دولدوردی مشکه سالدی دوشه
.
تعجب وارکمال جرئتیندن
سو ایچمزدی سو استه غیرتیندن
.
قزارموشدی علی تک اب و رنگی
قاچوب لشکر اوزاقدان سالدی جنگی
.
توکوب دشمن وجودین پشته پشته
عقابی گیچماقا قویمازدی کشته
.
ایدوبدور تیرباران قوم نامرد
دایانمازدی مقابلده هم آورد
.
دگوبدور جسمینه چوخ تیروخنجر
او بی پر شاهباز اوخدان آچوب پر
.
فلک بازولرین بازیله سالدی
ولایت مهرینین رنگی سارالدی
.
.
#عباسیه_واقف_سرابی #بیخود_سرابی
#عباسیه_شهادت
#سرشکیم_جوشه_گلدی_باشدان_آشدی
#ترکی
.
✍️ #زبدةالاشعار ✍️
.
🆔: @nohe_torki