زبانحال امام حسین (ع) در مصیبت حضرت قمربنی هاشم (ع)
خطاب به حضرت زینب کبری (ع)
.
✍️ #زبدةالاشعار ✍️
🆔: @nohe_torki
.
#سبک_یارالی_جان_یارالی … 4 سبک
.
مرحوم شانی تبریزی
.
گل باجی گور نئجه ایلوب منه یالقوزلوق اثر
قارداشیم ئولدی ایدر ایمدی اوغولسوزلوق اثر
.
.
تا اسوردی علمی قارداشوین الده باجی
یوخودی درد مصیبت اثری دلده باجی
گتدی قارداشیم آدی قالدى بئله دلده باجی
قارداشیم ئولدی ایدر ایمدی اوغولسوزلوق اثر
.
.
تا بو صحراده الیمدن گئدوب اول اشجع ناس
بولدوم اولادیمه بوندان صورا وار خوف هراس
دور گییندیر عموسوز قیزلاریما قاره لباس
قارداشیم ئولدی ایدر ایمدی اوغولسوزلوق اثر
.
.
اکبریم ئولدی دیدیم صاغدی علمداریم هنوز
خوفه دوشمز حرمیم واردی هواداریم هنوز
غم یمزدیم واریدی تا که او سرداریم هنوز
قارداشیم ئولدی ایدر ایمدی اوغولسوزلوق اثر
.
.
داغلاموشدی دلیمی داغ علی اکبر اگر
قامتیم بیله خم اولموشدی او محنتده مگر
باجی قارداش داغی قارداش بئلینی بیله بوکر
قارداشیم ئولدی ایدر ایمدی اوغولسوزلوق اثر
.
.
بولدی تیکمیش گوزونی عترت طاها علمه
ایستدی یاتمیا تا باتمیا اطفال غمه
دوشدی ال یاتدی علم گیت خبرائیله حرمه
قارداشیم ئولدی ایدر ایمدی اوغولسوزلوق اثر
.
.
اکبرین ئولماقی سالموشدی ایشقدان گوزومی
قارداشیم صاغدی دیوب ساکت ایدردیم اوزومی
صورت حالیمی آنلار ایشیدن بو سوزومی
قارداشیم ئولدی ایدر ایمدی اوغولسوزلوق اثر
.
.
باخ منیم رنگ رخ آلیمه گور عالمیمی
یاد ایدوب آغلار ئولنجه باجی جان بو دمیمی
ایمدی یاددان چخادوب بیرغمیم هر بیرغمیمی
قارداشیم ئولدی ایدر ایمدی اوغولسوزلوق اثر
.
.
تا وارام من دوتون ای باجی عزا قارداشیما
آغلارام منده ایله کان وفا قارداشیما
یوخ گمانیم داخی بیر اوغلوما یا قارداشیما
قارداشیم ئولدی ایدر ایمدی اوغولسوزلوق اثر
.
.
گوسترور سرحد عشقیمده بوغم سرحدیمی
کیمدی زایل ایده دلدن بوغم بیحدیمی
گل بئلیم گلموری قارداش غمی اگدی قدیمی
قارداشیم ئولدی ایدر ایمدی اوغولسوزلوق اثر
.
.
گلشنیم دوندی خزانه باجی سولدی چمنیم
یاسه باتدی بو بیاباندا گل و یاسمنیم
آنلار احوالیمی قارداشی ئولن کیمسه منیم
قارداشیم ئولدی ایدر ایمدی اوغولسوزلوق اثر
.
.
واردی سانسیز غمیم آیا کیمه غمخوار دیوم
قارداشیمدان صورا ایستکلی کیمیم وار دیوم
گر قالام بو سوزی بیر عمر یری وار دیوم
قارداشیم ئولدی ایدر ایمدی اوغولسوزلوق اثر
.
.
قلبیمون نوری منیم ماه بنی هاشمیدی
هر قدر غم منه یتسیدی او یولداشیمیدی
بلکه بیر جانیدی جسمیمده نه قارداشیمدی
قارداشیم ئولدی ایدر ایمدی اوغولسوزلوق اثر
.
.
من کیمی آلدیلار الدن باجی یار و ائیلوزی
داغ عباسیله داغلادیلا یانمش دلوزی
باغلیون سیزده اسیر اولماقا محکم بئلوزی
قارداشیم ئولدی ایدر ایمدی اوغولسوزلوق اثر
.
.
«شأنی» سوز یوخ گورور هر کیمسه بو نسگلّی سوزی
چوخ سووور چوخ دئیر احسن دولور اشگیله گوزی
یالوار عباسه حسین بو سوزی تا سووسون ئووزی
قارداشیم ئولدی ایدر ایمدی اوغولسوزلوق اثر
.
.
#عباسیه_شهادت
#گل_باجی_گور_نئجه_ایلوب_منه_یالقوزلوق_اثر
#ترکی
.
✍️ #زبدةالاشعار ✍️
🆔: @nohe_torki
نظر دهید