لایلای علی اصغریم یات یارالیسان بالا #اصغریه_ساعد_زنجانی

زبانحال حضرت رباب (س)
.
✍️ #زبدةالاشعار ✍️
.
🆔: @nohe_torki
.
#سبک_یخلدی_سقا_یره
.
مرتضی اسکندری «ساعد»
.
لایلای علی اصغریم یات یارالیسان بالا
آزعمریده چوخ باشی ماجرالیسان بالا
.
باخمادی قوم کین ناله ی حزینیوه
کیم ووروب اوچ پر اوخ حلق نازنینیوه
.
.
.
.
درد و بلاوی اوغول خسته جانه آلموشام
آچ گوزلرون باخ منه گورنجه قوجالموشام
.
اکبرون جانی هجرون قراریمی کسور
آدیوی سسلینده دوداقلاریم اسور
.
.
.
.
سپدی حسین حلقیوون قانون آسمانلارا
زینت اولوب قرمزی رنگی کهکشانلارا
.
گویده اولدوز سنون اشتیاقیوه چیخار
بیر گون آهون سنون کاخ ظلمتی یخار
.
.
.
.
لیلا دیدیم طوی دوتار شاهزاده اکبره
زینت ویرم من گرک اوندا اوغلوم اصغره
.
بیلمه دیم ظلمیله دوغرویالّار اکبری
سو یرینه ووروب اوخلویالّار اصغری
.
.
.
.
دیرناقلارون یاره سی زینت اولدی سینمه
سن سیز چتیندور چاتام سالم ئوز مدینمه
.
قوش کیمین ال ایاق چالماقیوا آغلادیم
عفو ایله نازنین الّلریوی باغلادیم
.
.
.
.
دان اولدوزوم چیخماموش یاتما تیزدی صبر ایله
خوش گون گوروم گورمه سون بوجهاندا حرمله
.
قویدی هجرون ملر فاطمه بالالارون
گیت ملک باغلاسون حلقوون یارالارون
.
.
#اصغریه_شهادت
#شام_غریبان
#لایلای_علی_اصغریم_یات_یارالیسان_بالا
#اصغریه_ساعد_زنجانی
#ترکی
.
✍️ #زبدةالاشعار ✍️
.
🆔: @nohe_torki