فکرون منه گر اولماسا همدم علی قارداش #راه_شام_ذهنی_زاده

حالات راه شام
زبانحال خواهر علی اکبر(ع)
.
.
.
مرحوم ذهنی زاده
.
.
فکرون منه گر اولماسا همدم علی قارداش
تاب ایلمرم هجروه بیردم علی قارداش
.
.
عشقونله ازلده بو گوگل الفت ایدوبله
بیر گوشه نیاز عالمینه خلوت ایدوبله
ویرانه ده بیر کنگرۀ صحبت ایدوبله
قویماز داغیدار مغرضۀ غم علی قارداش
.
.
هردم باخارام باشیوه گلّم على درده
درد دلیمی اشک یازار عارض زرده
چون بولمشم آخرده من ئولّم بو سفرده
وجهی اودی چوخ شوقیله گلّم علی قارداش
.
.
واله دی جهان اهلی بو زلفونده کی عطره
زلفین یازوب احوالیمی چین چین نچه سطره
قانون دوزولوب تللرووه قطره به قطره
گویا قورولوب حلقۀ ماتم علی قارداش
.
.
من ناله نی ترک ایلمرم شمر جفانی
ووردوقجا او قمچی ائدرم منده فغانی
گوز یاشیمیله پاک ایدرم سر نهانی
بولسونله که سرگشتۀ عشقم علی قارداش
.
.
من شُقّۀ زلفون ایلیوم بوینوما زنجیر
مجنون کیمی صحراده گزوم واله و دلگیر
انصافیدی سن گوزلروی آچمیه سن بیر
لطف ایتمیه سن باجوا بیر دم علی قارداش
.
.
فکر سر زلفونله بو دردسره دوشدوم
دایم ستم قوم جفا گستره دوشدوم
گه کوچه و بازاره گھی چوللره دوشدوم
ثابت قدمم عهدیمه محکم علی قارداش
.
.
پیر کلمه دانش بیرجه سوروش حالیمی قارداش
گور وجهی ندور گوزدن آخار عارضه قانیاش
سن بیر دانشیدون من ئولیدیم او زمان کاش
بیر کلمه سوزه جانیمی ویرّم علی قارداش
.
.
آهیم او قدر اودلیدی عالملری داغلار
من ناله چکن وقته گلر نالیه داغلار
هر دم یانار احوالیمه دشمنلریم آغلار
آهیم اودینا یاندی بو عالم علی قارداش
.
.
عشق آتشینه یاندی گوگل چکدی شراره
ایستور ایده گوز یاشی بو سونمز اودا چاره
دوشدوقجه گوزوم یاشی چکیر شعله دوباره
جانیمده یانار قلبیله باهم علی قارداش
.
.
من آه چکن وقته على حدّته بیر باخ
قلبیم آلشور آتشینه شدّته بیر باخ
گوز یاشیمیله سوندورورم غفلته بیر باخ
خون دلیمی گوز یاشی بلّم علی قارداش
.
.
آغلار گوزوم حسرتدی گوره ماه جمالون
صد حیف دوتوب قانیله توز عارض آلون
هر دم که سالار ذهنینه «ذهنی» سنون حالون
من بولّم اولور حالتی برهم علی قارداش
.
.
#راه_شام #ذهنی_زاده
#اکبریه_شهادت #اکبریه
#فکرون_منه_گر_اولماسا_همدم_علی_قارداش
#ترکی
#زبدةالاشعار