یاران خدا رضاسی حسین مجلسینده دی #حسینیه_معزی_اردبیلی

#سعادت_حسین_مجلسینده_دی …
#گریز به زبانحال حضرت زینب (س) در #کوچ_شام
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
یاران خدا رضاسی حسین مجلسینده دی
هر دردوزین دواسی حسین مجلسینده دی
.
.
جانلار فدادی فاطمه نون دلرباسینه
هر وقفه ده بیز آغلامیشوق آل یاسینه
رونق ویرون آماندی حسینون عزاسینه
مظلوم ئولن آناسی حسین مجلسینده دی
.
.
ای مدّعی یوزون، اؤرگون مثلی زشتدور
مجلسده شرکت ایلسه کیم خوش سرشتدور
والله حسینون آدی گلن یر بهشتدور
مین جنّتون صفاسی حسین مجلسینده دی
.
.
بزم عزایه کج باخا کیم رنج و غم اوتار
گل مجلسه جزا گونی سن ناریدن قوتار
گوز یاشووی حسین آناسی شیشیه دوتار
بس روحوون غذاسی حسین مجلسینده دی
.
.
دریا کیمی خروشه گلر تنده قانیمیز
باغلار قرا محرّمی پیر و جوانیمیز
قربان اولا دیلّلر اباالفضله جانیمیز
دائم اؤزی،لواسی حسین مجلسینده دی
.
.
ای مجلس عزاده مریض و مریضه لر
سن عرضیمی ایله بعد از فریضه لر
عباس حضورینه گوتوروب یاز عریضه لر
بیمارلر شفاسی حسین مجلسینده دی
.
.
خطّ حسیندی تعزیه داره وفا یولی
انسانلاری موفق ایدوب باصفا یولی
باغلی نه قدری بس قالاجاق کربلا یولی
باغلی یولون دعاسی حسین مجلسینده دی
.
.
دوت دامن رقیّه نی ای حاجتی اولان
زهراییلن گلوبدور همان صورتی صولان
اوّل دَگر گوزه اورگی غصّه دن دولان
شیرین زبان بالاسی حسین مجلسینده دی
.
.
مجلسلره گلنده قرا پیرهن گیون
صدقیله فاطمه بالاسین داده سسلیون
دردوز اؤرکده اولسا خانم زینبه دیون
احبابینه عطاسی حسین مجلسینده دی
.
.
زینب رقیّه دن صورا چوخ اولدی اشگبار
شامون خانملارینا یوزون دوتدی بیقرار
ائتدیم دیدی رقیّه نی من داخل مزار
امّا گوزل صداسی حسین مجلسینده دی
.
.
گئتدیم حسینمون قیزینون فکرینه قالون
هر پنج شنبه دلبریمی یادوزه سالون
بو خوردا قبری ایکی گوشوار آلون
ایرانیده عزاسی حسین مجلسینده دی
.
.
هر دردمنده نازلی رقیّه دوا وئرر
دوتقون اؤرکلره نگهنده صفا وئرر
کیم ناخوش اولسا ائتسه توسّل شفا وئرر
هر حاجتون رواسی حسین مجلسینده دی
.
.
چوللرده قورخودان سارالوب گول یایاقلاری
قاچدی تیکانلیقی قابار اولدی ایاقلاری
دل یاره سی ویروب بالاما شام اوشاقلاری
دلداده آشناسی حسین مجلسینده دی
.
.
شیرینیدی سوزی آنامون هر سوزی کیمی
سیلی دگوب یوزی گوگروب گول یوزی کیمی
قانلی لکه گوزینه دوشوبدور گوزی کیمی
مظلومون اوخشاماسی حسین مجلسینده دی
.
.
قارداشیمون یاسیندا گوزل نوحه خوان ئولوب
قارداشی گلمیوب گوروشه ناگران ئولوب
قانلی باشی طبقده گوروب باغریقان ئولوب
معناده اقرباسی حسین مجلسینده دی
.
از همین شاعر ، مطالعه بفرمایید :
#ای_دوستان_شرافت_حسین_مجلسینده_دی
.
#حسینیه_معزی_اردبیلی
#حسینیه_مدح
#یاران_خدا_رضاسی_حسین_مجلسینده_دی
#ترکی
.
✍️ #زبدةالاشعار ✍️
.
🆔: @nohe_torki