تنور خولی
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
ای یاتان خولی تنورنده حسین قربان سنه
دور آنان ئولسون گلوب زهرا آنان مهمان سنه
.
.
ای حسین ای شاه عطشان ای ذبیحاً من قفا
زینت دوش پیمبر ای اوغول صد مرحبا
منزلون اولسون مبارک ای شهید کربلا
هانسی مادر اوغلونی گورسه بو حالتده تانور
نعشون عریان کربلاده باشوه منزل تنور
.
.
اللریم قوینومدا صحرانی دالونجا گزموشم
زینب و کلثومدن اوچ گوندی من ال ئوزموشم
هیچ آنا دوزمز آنان ئولسون ولی من دوزموشم
اکبر و قاسم نه یرده زبدة ناسون هانی
زینبی آغلار قویان بس سوله عباسون هانی
.
.
زینبی گوردوم آنان ئولسون میننده محمله
من مبارک باد ایچون گلدوم بو تازه منزله
بیرده قبلاً شمریلن گلمیشدوم اوغلوم مقتله
قتلگاهوندن بورا من زار و نالان گلمیشم
وا حسین گویان دالونجا دیده گریان گلمیشم
.
.
دور آنان ئولسون گُل اوسته صبحدم شبنم گلور
پیشواز ایله آنان زهرا سنه همدم گلور
تک دگول حورا و سارا ، آسیه ، مریم گلور
گرچه کول اوسته یاتوبسان بو آنان شرمنده دور
لیک بو مطبخ سراده منزلون زیبنده دور
.
.
نور پاکوندن ایشقلاندی اوغول دشت و جبل
ایتموسن مطبخ سرانی طور سینایه بدل
عالم ذر ، قولینه سن ایلدون بوردا عمل
ای ویرن الله یولوندا شبه پیغمبر بالا
اصغرمون قربانی یم ای شافع محشر بالا
.
.
هانسی عاشق سن کیمی معشوقه ویردی امتحان
کیم سنون تک باش ویروب ای زینبی آغلار قویان
اهل عیالی دربدر باشی کول اوستونده یاتان
ای وفاسی عهدینه عالملره معلوم اولان
یوخدی دنیاده سنون تک بیر نفر مظلوم اولان
.
.
مطبخ خولی ایدوبدور شیعه لر قلبین کباب
چوخلاری بو باره ده یازمیشلا مینلرجه کتاب
وار یری تشنه حسین ویرسون آناسینه جواب :
حالمی خولی تنورینده نه تیز بیلدون ، ننه ؟
بینوالر منزلینه لطف ایدوب گلدون ، ننه ؟
.
.
ای آنا فخر ایلرم من تشنه لب جان ویرمیشم
دین یولوندا ای آنا من چوخلی قربان ویرمیشم
قاسم و عباس و اکبر ، طفل عطشان ویرمیشم
ایلمز بو صحنه لر ، هرگز بو قلبیمده اثر
لیک اوچ گوندور رقیّه مدن آنا یوخدور خبر
.
.
اوچ یاشیندا قیز اوشاقی بیر شیرین دیللی بالا
ناز پرورده اوشاقی کیمدی آغوشه آلا ؟
ناروادور شمر الینده زار و سرگردان قالا
خواهشیم سندن بودور ایتسون اسیرلردن گوروش
هامودان اوّل اونون احوالینی مادر سوروش
.
.
عفو قیل مادر اگر من سیزلری ایتدوم کسیل
منزلیم مطبخ یریم کولدور ئوزوم خوار و ذلیل
یوخدی قربانلوق قوناقلاردان ،حسین اولدی خجل
(«نادری» یاز حضرت زهرا توکوب گوز یاشینی
چون کول اوستونده گوتوردی تیز حسینون باشینی
.
.
.
#تنورخولی_نادری
#ای_یاتان_خولی_تنورنده_حسین_قربان_سنه
#ترکی
.
✍️ #زبدةالاشعار ✍️
.
🆔: @nohe_torki
نظر دهید