زبدةالاشعار

گل سجده گاهیم اولدی سپر تیره؛ سیّدی #عباسیه_هادی_وحیدی

استمداد حضرت ابوالفضل علیه السّلام
.
✍️ #زبدةالاشعار ✍️
.
🆔: @nohe_torki
.
هادی وحیدی – زنجان
.
گل سجده گاهیم اولدی سپر تیره؛ سیّدی
روشن گون اولدی گوزلریمه تیره؛ سیّدی
.
نهر اوسته گوزلورم یولووی دل، دوداق قوری
قانلو گوزوم یولوندا قالوب خیره؛ سیّدی
.
اوتّوز بش ایلدی درگهوون خاکبوسیم
چکدیم مس وجودیمی اکسیره؛ سیّدی
.
هر قدر دام مکر قورا، فتنه ایلیه
روباهیلر چتین تاپا ال شیره؛ سیّدی
.
قان لُجّه سینده زورق تن غرق اولوبدی گل
وار احتیاجی لنگر تدبیره؛ سیّدی
.
دوشموش عقابیدن یره قارداش عقاب عشق
شاهینوه زغن لر اولوب چیره؛ سیّدی
.
اوخلار یازوبدی سیتمون اوستونده یارئوف
گل باخ بو لوحیده زبر و زیره؛ سیّدی
.
طی ایلورم طریقت عرفانی، یاره لی
سیریمده اقتدا ائدرم پیره؛ سیّدی
.
ری ملکینون هواسینه سعداوغلی آللانوب
اوخ، نیزه، داش ورولا بو دلگیره؛ سیّدی
.
نه صود، نه سو تاپیلدی ربابین غزالینه
اوخ دگمیه الهی او نخجیره؛ سیّدی
.
باش کاسه سی سینوبدی عمودیله هارداسان
باشیم اولوب سپر داشا، شمشیره؛ سیّدی
.
قانیم آخوب یازوب یره “یا مرگ، یا حسین”
نام یزید شومه چکوب تیره؛ سیّدی
.
ای کاش سن یخیلمیاسان من کیمی یره
من عاجزم دلیمده کی تعبیره؛ سیّدی
.
گر نیزه دن ورق ورق اولسان قرآن کیمی
زینب چکر او مصحفی تفسیره؛ سیّدی
.
الدن اله دوشر باشیم ای جان فاطمه
بو گلماقون اگر دوشه تأخیره؛ سیّدی
.
.
#عباسیه_هادی_وحیدی
#عباسیه_شهادت
#گل_سجده_گاهیم_اولدی_سپر_تیره_سیدی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...