خلّاق جهان گتدی ایجاده اباالفضلى #عباسیه_یحیوی_اردبیلی

تکریم مقام حضرت عبّاس (ع)
.
✍️ #زبدةالاشعار ✍️
.
🆔: @nohe_torki
.
مرحوم یحیوی
.
خلّاق جهان گتدی ایجاده اباالفضلى
ناظر ائدوب اسلامه دنیاده اباالفضلى
.
.
گرداب شدایدده یا ورطه ی طوفاندا
یا بیشه و جنگلده یا کوه و بیاباندا
یا مشرق و مغربده یا ظاهر و پنهاندا
مستخلص اولور هرکس یوز دوندره هر یاندا
گر سسلیه صدقیله امداده ابا الفضلی
.
.
بیز گلدوک آلاق مطلب دربار علمداره
اللهی قسم وئرّوک ایثار علمداره
طاعات شب و روز افطار علمداره
سو اوسته دو بازوی گلنار علمداره
اول وقته که اوخشاردی زهراده اباالفضلی
.
.
لطفین ائلسون شامل بو شهر پریشانه
سرتاسر ایرانه کلیه مسلمانه
بو ملتی تاپشیرسون سلطان خراسانه
بذل ائیله سین عاشقلر اوز جانینی جانانه
اسلامه کومک وئرسون معناده اباالفضلى
.
.
عبّاس آدوا قربان آدونده نه حکمت وار
آدونله عزاداره هر یرده شرافت وار
قربان سنه جان اولسا جاندا نه لیاقت وار
گوز یاشی سبیل ائتسوک بیلّوک اونا قیمت وار
ای گوز، سویون احسان ائت سال یاده اباالفضلی
.
.
سو صحبتی ذکر اولدی ای سو دونه سن قانه
شه تشنه حرم تشنه قالمشدی یانا یانه
گئتدی گتوره سقا سو اصغر عطشانه
جام الده خانم قرلار گوز تیکدیله میدانه
گوزلردیلر اول غملو مأواده اباالفضلی
.
.
تا نائره ی جنگی دعواده قیلوب پیدا
دوشدی قاچاقاچ تاپدی یکباره شکست اعدا
ووردی او اوزون قولار شمشیرینی برق آسا
یول آچدی فرات اوسته مقصوده یتوب سقا
گوردیله ووروب بیدق دریاده اباالفضلی
.
.
سو مشگینی دولدوردی عبّاس هنرپرور
سعی ائتدی سوسوزلاره تئز سو آپارا یکسر
بی راهه دن اوز قویدی یولاری کسوب لشگر
ای داد او ساعتدن اولدیلا هجوم آور
شام اهلی گوروب واحد دعواده اباالفضلی
.
.
بحران هیاهوده توز ردّ اولوب هر یاندان
عبّاس اولوب ظاهر ناگاه نیستاندان
اولموش زره و جوشن آلوده قزلقاندان
اگننده لباسی وار علت ندو پیکاندان
بوکمشدیله بیر پارچا فولاده اباالفضلی
.
.
مین فکر اورکلرده درد و غم اونا همراه
سقّا سوووا ال تاپسون امداد ائله یا الله
تل اوستن اولوب ظاهر بو زمزمه لر ناگاه
بیر آت یَهَری قانلو اطفالی ائدر آگاه
قولسوز یره یخدیلار صحراده اباالفضلی
.
.
سقا بدنی، دردا، گل مثلی ورقلندی
خول شاخه دن آیریلدی، آتدان کی یئره اندی
بو حالی گوروب زهرا، أفلاکده سسلندی
بو نالیه سس قوشدی قارداش باجی دیللندی
بو حالته کیم سالدی هیجاده اباالفضلی
.
.
سن بیرداغ ایدون قارداش، داغلارسن اوچون تسلیم
اول قامت طوبایه، طوبا ائله ییب تعظیم
ای شیر قتیل الله، شایسته دی هر تکریم
آل یحیوی اشعارین هر دم کی قیلور تقدیم
گورسون گینه بیر نوبت رؤیاده اباالفضلی
.
.
.
#عباسیه_یحیوی_اردبیلی
#عباسیه_شهادت #عباسیه_مدح
#خلاق_جهان_گتدی_ایجاده_اباالفضلى
#ترکی
.
✍️ #زبدةالاشعار ✍️
.
🆔: @nohe_torki