زبدةالاشعار

رعنا گوزلرون یومما اصغریم #اصغریه_بیضائی_بناب

شهادت حضرت علی اصغر علیه السلام

.
✍️ #زبدةالاشعار ✍️
.
🆔: @nohe_torki
.
#سبک_عجب_رسمیه
.
اکبر بیضائی بناب
.
رعنا گوزلرون یومما اصغریم
ای گوزیم نوری سنسن دلبریم
آدون دلیمه اولموش ازبریم
عطشان دوداقه قربان گوزلریم
لای لای اصغریم …
.
.
غنچه دوداقون گل تک سارالوب
بو غم آناوی بیر درده سالوب
اللریم اصغر قوینومدا قالوب
یوخدور سو اوغلوم چاره م آزالوب
لای لای اصغریم …
.
.
قلبیم دوتولار اولدوز باتاندا
آغلارام سنه ائللر یاتاندا
گل سینه م اوسته یات بو مکاندا
اینجیر دوشلریم دیرناخ آتاندا
لای لای اصغریم …
.
.
آرام جانیم روح روانیم
بیر جرعه سووا یوخدور گمانیم
عطشان دوداقه قرباندی جانیم
گیتمه الیمدن یوخدور توانیم
لای لای اصغریم …
.
.
صود یوخ دوشیمده آغزیوا سالام
قوی لایلای دیسون رقیه بالام
سندن ئولونجه شرمنده قالام
سنسیز علی جان من تیز قوجالام
لای لای اصغریم …
.
.
یومما گوزلرون اوغلوم آماندی
کاسه ی صبریم نیلوم جالاندی
ظلم و جفای دشمن عیاندی
میدانه گیتمه اصغر دوماندی
لای لای اصغریم …
.
.
ای ماه منظر کودکیم اصغر
آدون دلیمده اولوبدی ازبر
طفل صغیریم گل اولما پرپر
خرداجا قیزلار دور سنی سسلر
لای لای اصغریم …
.
.
#اصغریه_شهادت
#رعنا_گوزلرون_یومما_اصغریم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ظلمیله درگاهی یانان عم اوغلی عم اوغلی #فاطمیه_فیضی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی