شهادت حضرت علی (ع)
گریز به شهادت حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم صافی تبریزی
.
.
بو غم اولوب مؤثر درگاه کبریایه
ماتم دوتوب ملکلر سلطان اولیایه
.
.
سکان عرش اعظم عرشه چکوبله قاره
لاهوتیان گلوبله فریاد و آه زاره
هر آن على مقامین فکر ایلیوب دوباره
محزون اولولّا یکسر مفهوم قل کفایه
.
.
جنت دگل اگرچه جای فغان و ماتم
بو غمده غملنوبدی واردور نقدر عالم
آلمیش اجازه حقدن نوح و خلیل و آدم
ارواح پاک گلمیش سرّی اودور نوایه
.
.
جنّات عدن ایچینده بیر بزم غم قوروبلار
اول مجلسی نبی لر ارواحی دولدوروبلار
ختم رسل یانندا صف صف هامی دوروبلار
بیر بیر وئرور تسلّی مصداق هل اتایه
.
.
سارا خدیجه مریم باشه قرا سالوبلار
خاتون روز محشر اطرافنی آلوبلار
شیر خدا غمینده بیر حالته قالوبلار
دونموش سرای بهجت بیر تعزیت سرایه
.
.
بیر مجلس عزاده یرده قوروب عیالی
بی انتها پوزولموش هر خاص شیعه حالی
تقسیم اولا حسینون دردی حسن ملالی
بسدور کفایت ایلر بو غمده ماسوایه
.
.
ترحیمه حاضر اولموش اشراف کوفه یکسر
اصحاب شیون ایلر احباب اولوب مکدّر
حال تأسّفیله بیر بیر ویرور گلنلر
گه تسلیت حسینه گه اوغلی مجتبایه
.
.
مرسوم اولوبدی یاران بو قاعده جهاندا
یاسین دوتار قالانلار هر کس ئولن زماندا
چوخ غملو سوزلریم وار بو سوزده بو بیاندا
گیتسن اگر منیله صحرای کربلایه
.
.
بولمم حسین ئولنده کیم قوردی بزم ماتم
ماتم دوتان امامه کیم اولدی یار و همدم
آغلاردی خیمه سنده یالقوز او قلب عالم
سن گور تسلّی ویردی کیم صاحب عزایه
.
.
اوُل دم که شمر کافر ئولدوردی تشنه شاهی
رأس حسین الینده قصد ایتدی خیمه گاهی
چکدی دوباره خنجر تاپجاق او بی پناهی
لازم بولوردی ملحق اولسون اوغول آتایه
.
.
گورجک بالاجا قیزلار شمرین الینده خنجر
سسلندی واعلیّا دیشره توکولدی یکسر
سعد اوغلونا پناهه گلدی عیال حیدر
لعنت بو روزگاره بو چرخ بی وفایه
.
.
#حیدریه_صافی_تبریزی
#حیدریه_شهادت
#بو_غم_اولوب_مؤثر_درگاه_کبریایه
#ترکی
.
✍️ #زبدةالاشعار ✍️
.
🆔: @nohe_torki
نظر دهید