کوفه
.
✍️زبدة الاشعار✍️
?: @nohe_torki
.
مرحوم غمکش
.
او باش کی نیزده قرآن اوخور حسینیمدی
امیر هر دو جهاندی او نور عینیمدی
.
گوزوم فدا اونون هل من مُعین دین دیلینه
قانی اونون یاخیلوبدی گوزل محاسنینه
قلینجینی آقامون ساربان قویوب الینه
کسلن اللری ایلر دعا عنایت ائدر
اگر او ایستسه زینب بو دم قیامت ائدر
.
قیامتی که اولار کوفده بنا یکسر
یقین سپاه دنی مضمحل اولار لشگر
حسینی عالم و آدم یقین بیلر رهبر
بو دین احمد و مختار بیر خلل گورمز
ئولن معاویه دی آل مرتضی ئولمز
.
علی آدی گرک عالمده پیشتاز اولسون
اونون چوخ ایستیینی عاشق نماز اولسون
حسینی ایستیوب الله شه حجاز اولسون
حسینیمون ایکی دنیایه دیرناقین وئرمم
سیزون حکومتوزه بند قنداقین وئرمم
.
همان بو باشدی که قرآن تلاوت ایلوردی
سر جداده بو قومی هدایت ایلوردی
آتام آنام بو بوغازی زیارت ایلوردی
نه کوفه شامی گئدوب برملا ئوزوم آلّام
یزید دونی گیدوب تختیدن ئوزوم سالّام
.
حسین او نوریدی همتاسی یوخدی دنیاده
او خیزرانی دولاندرما چوخ حرام زاده
نئچه آتون وار آنون تک بیلور بو سوداده
بو کاخ ظلم گئدندی بقاسی برهمدی
اوتوزموسان سن آنون تک یئرون جهنّمدی
.
او لب که سن ویروسان بوسه‌گاه حیدردی
قسم خدایه حسیندی جهانه رهبردی
سؤزوم عروق یزیده مثال خنجردی
او باشی وئر منه چوخ وورما سینه لر سیخیلار
رقیّه چپ باخا بیر یول سنون ائوون یخیلار
.
سلاحی گوز یاشیدی بونلاری آلیشدیرما
حسینی وورما منیم حالیمی قاریشدیرما
او قمچینی یئره قوی باجیسین دانیشدیرما
غروریله دانیشوب ائتمه آیری بیر احساس
اجازه وئرسم اگر قبرووی قازار عبّاس
.
بساط کفری گئدوب شامیده بهم وورّام
سنونده کوفده دربارووه قلم وورّام
حسینون آدینه هر یاندا بیر علم وورّام
عوض خدا ئوزی سیزدن دئدی چیخار ظالم
ائووزی باشوزه بیر گون خدا یخار ظالم
.
جنایت ایلمه بسدی حسینیمی وورما
یارالی قلبلری شرم ایله که یاندورما
حسینیمی باجیسیندان بئله اوتاندورما
گوزوم یاشیلا جهانی بو غمده آغلادارام
او باشی من اله سالسام گلابیله یووارام
.
#کوفه
#او_باش_کی_نیزده_قرآن_اوخور_حسینیمدی
#غمکش
#یادگار_غمکش
#ترکی
.
✍️ #زبدةالاشعار ✍️
?: @nohe_torki
نظر دهید