کیمدی بو عاشق صادق لب دریاده سوسوز #عباسیه_قیزیل_قلم

شهادت حضرت ابوالفضل (ع)
..
..
..
..
اکبر ستاری (قیزیل قلم)
..
..
..
..
(( کیمدی بو عاشق صادق لب دریاده سوسوز ))
قان سوزور ساق و صولون دان دل صحراده سوسوز
..
..
..
..
ایکی قوللاری دوشوب گور نئجه پیکردن اوزاق
وار یئری بوغمه خاطر باشا تُپراق سوویراق
گلدی عباس آقامین آدی دیز اوسته اوتوراق
بو حسینون اوجا بوی شیرژیان قارداشیدی
بیر امان نامه یه خاطر اوتانان قارداشیدی
..
..
..
..
هانسی پیکردی بو یارب بویانیب قانه دوشوب
گؤره سن هانسی ائلین کشتی سی طوفانه دوشوب
پیکری بیرطرفه قوللاری بیر یانه دوشوب
قلب مجروحینی پیکان بولنین قارداشیدی
سو کنارینده لب عطشان ئولنین قارداشیدی
..
..
..
..
بوهمان بنده ی صالح دی کی قانه بویانیب
اوخلانیب مشکی سوسوزلاردان اوساعت اوتانیب
لشگر شام مصافین ده علی تک دایانیب
سجده گاهین دن اونون اوخ دگنون پیکری دی
قامت سرو حسینی اگنون پیکری دی
..
..
..
..
بو علی اوغلی ابوالفضل علم صاحبی دی
باب امید خلایق دی کرم صاحبی دی
بو نگهبان خیامیدی حرم صاحبی دی
ایندی قولسوز بدنی نهر کنارینده دوشوب
بیر اوجا سرو کیمی فصل بهارینده دوشوب
..
..
..
..
باخ بو پیکرکی باتیب قانه سیزیلدیر یاراسی
قان وئریرساق و صولی یوخدی الینده چاراسی
السیزیدی اونا دشمن ده ووروب دیل یاراسی
بو امان نامه نی پاره ائلیین اللردی
چاره سیزدردلره درمان ائلیین اللردی
..
..
..
..
قانلی پیکرکی گؤرورسوز الی الدن اوزولوب
گؤزونون قانی آخیب صورته مرجان دوزولوب
قاریشیب قانیله گؤزیاشی عذاره سوزولوب
او اوجا قامتی تیغ ستمیلن بیچیلیب
قطع اولوب قوللاری علت اودی بئیله کیچیلیب
..
..
..
..
او قدر قان آپاریب جسم ده طاقت آزالیب
قانلی میدان آرا اطرافینی دشمن لر آلیب
ناگهان ادرک اخا صوتی سمایه اوجالیب
گؤردی اؤن یئددی نفر دوره لییب دیر باشینی
سسلدی داده اوغول داغی گؤره ن قارداشینی
..
..
..
..
گل حسینیم سنه قربان اولوم ای میرِهدا
جانیمی ائیله میشم وادی عشقونده فدا
تئز یئتیش دادیمه شرمندییم عفو ائیله اخا
گل باشیم اوستونه جان وئرمه گیم آسان اولسون
بو سینان باش کسیلن ال سنه قربان اولسون
..
..
..
..
گل حسین آهن عمودیله باشیم پارچالانیب
گؤزومه اوخ ویریلیب ساغر صبریم جالانیب
قارداشون پرچمووین سایه سینه دالدالانیب
درک ائله السیز علمداروی سال یاده حسین
باشیم اللرده قالار گلمه سون امداده حسین
..
..
..
..
گلدی قارداش باشینین اوستونه شاه شهدا
گؤردی قان ایچره ابوالفضلی دئدی یاندیم اخا
آتامین اوغلی گؤزتلیر یولووی آل عبا
دورگئدک خیمییه یول گؤزلییه نین وار یارالی
بیر بولوک تشنه دی سو ایستییه نین وار یارالی
..
..
..
..
من نئجه ئولمگووی عترت نالانه دئییم
من نئجه قورخولی قیزلاریمی آرام ائله ییم
ایندی دشمن قاباقیندا نئجه من وای سؤله ییم
سسیمه سس وئر حسینی بو قدر آغلاتما
پیکرون یاره لی دیر ایستی قوم اوسته یاتما
..
..
..
..
گلون ای شیعه لر الان آقاوای سؤیلییه گون
غم عباس ده یکسر قره کؤینک گییه گون
قوشولوب اهل عزایه آقام ایوای دییه گون
ای سو اوستونده سوسوز اوخلانان عباس آقاوای
مشکینه سو یئرینه قان دولان عباس آقا وای
..
..
..
..
#عباسیه #قیزیل_قلم
#عباسیه_شهادت
#کیمدی_بو_عاشق_صادق_لب_دریاده_سوسوز
#ترکی
#زبدةالاشعار