زبانحال حضرت زینب کبرا (ع) خطاب به دختر سه ساله در خرابه شام
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
آغلاما دردیله همخانه قزیم
آغلاما ساکن ویرانه قزیم
.
.
اوز اوزون یورما اوساندیرما بیله
عمّه وین قلبینی یاندیرما بیله
گوزلرون غمله دولاندیرما بیله
صاق صولا باخما یتیمانه قزیم
.
.
بیر بیله سالما ایاقدان اوزیوی
قویما دیواره بو سولموش یوزیوی
بیله دولدورما بوشاتما گوزیوی
توکمه گوز یاشوی دامانه قزیم
.
.
سن رقیّه شه بطحا قزیسان
علوی مسلک و زهرا قزیسان
صبر ایله صبرده دریا قزیسان
ویرمه اوز صبریوی تالانه قزیم
.
.
.
عالمی اهل وفا گوزدن آتار
عالمی گوزدن آتار کامه چاتار
گنج عالی دل ویراندا یاتار
ای وفا گنجینه دردانه قزیم
.
.
آلما بیر بیله غمی جانوه سن
ویرمه غم عمّۀ نالانوه سن
وورما اوز زلف پریشانوه سن
حسرت انگشتویله شانه قزیم
.
.
چوخ چوخ ایستر سنی عمّن بولوسن
سن بلالی بی بیوه سوؤگلوسن
سن حسین ابن علینین گلوسن
سولما قارداشیما ریحانه قزیم
.
.
سن سولاندا بالا قزلار سولوری
سن دولاندا هامی گوزلر دولوری
قانه دونموش اورگیم قان اولوری
باغریمی دوندری سن قانه قزیم
.
.
دگه سن بیر دولی گلشن گله سن
دم ویرن نغمه ده مین بلبله سن
نولی لبخند ووروب بیر گوله سن
من فدا بو لب و دندانه، قزیم
.
.
ای حسینین دُر کنز شرفی
ایلیوب مد نظر ما سلفی
گوزدن ای گوزلری عصمت صدفی
توکمه چوخ گوهر یکدانه قزیم
.
.
جدّیوی ایلدیلر خانه نشین
اولدی سیمرغ شرف لانه نشین
بیزده اولدوخ بیله ویرانه نشین
هدف اوستونده اسیرانه قزیم
.
.
آتشین آهیوی آز داده چاغیر
گیموسن کهنه گلور گر چه آغیر
یوز گوزوندن گنه ده وقر یاغیر
وقردور جامۀ شاهانه قزیم
.
.
خم یتورمه بو قدر خم قاشوا
شمع تک یانما یاخان گوز یاشوا
من یانایانه دولانّام باشوا
اولارام شمعیوه پروانه قزیم
.
.
ای گل اوزلی بیله سولدورما یوزون
عمّه وه ایله بیان وار نه سوزون
آتش غمله کباب ایتمه اوزون
آغلاما بیله یانا یانه قزیم
.
.
گورورم سوزشیله سازیوی من
آلورام دل یاران آوازیوی من
دردون آلّام چکرم نازیوی من
نازنین نابغه نازدانه قزیم
.
.
ادبین اوّل و آخر سوزی سن
عصمت و شرم و حیانین گوزی سن
عفّتین باشدان ایاقه اؤزی سن
هامی رفتاری عفیفانه قزیم
.
.
ای ائدن دل شده فرزانه لری
یاندیران دردینه بیگانه لری
قویان آغلار هامی مردانه لری
آتاسی هم اوزی مردانه قزیم
.
.
راضی اولمام اورگون غم له دولا
آلارام جانیمه هر دردون اولا
بابا وای دلده گوزون تیکمه یولا
ای گوزی نرگس مستانه قزیم
.
.
شمع آهون بو قرانلوق گجه لر
یاندیروب صبحه کیمی قالما ملر
صبر ایله گون باشوین اوسته گلر
ای سحر اولدوزی فرزانه قزیم
.
.
سن سنق قلبلری شاد ایده سن
ظلم ایوین عدلیله بر باد ایده سن
سن بو ویرانه نی آباد ایده سن
ای اولان مدفنی ویرانه قزیم
.
.
قهر ایمانیله کفری یخاسان
سندروب دشمنی فاتح چخاسان
سن یزیدین ایوین آخر یخاسان
ایده سن قصرینی ویرانه قزیم
.
.
بوردا بیر گون اولی دربارون اولار
بوردا ایل لر بویی زوّارون اولار
شیعه لر بوردا عزادارون اولار
اولی ویرانه عزاخانه قزیم
.
.
بوردا کانون حسینی قوراسان
شوریله شامی بوتون دولدوراسان
بوردا بیر پرچم قرآن ووراسان
چالیشان رونق قرآنه قزیم
.
.
نازنین نازلی حسینیمدن اثر
پرچمون بوردا سنون دائم اسر
رشتۀ کفری هر اسدیقجا کسر
ای یوزی آینه ایمانه قزیم
.
.
غمون آرتور هارا یوز چوندریسن
گوی لره آه دلون گوندریسن
اوز ایشیق گوندوزیوی دوندریسن
شامده شام غریبانه قزیم
.
.
تائب ایستور سالا دامانون اله
قبریوین گردینی اشگیله سیله
ایسته بو روضۀ رضوانه گله
قوشولا جمع نواخوانه قزیم
.
.
.
#حضرت_رقیه_تائب_تبریزی
#حضرت_رقیه_شهادت
#آغلاما_دردیله_همخانه_قزیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید