حالات صدیقه کبرا حضرت فاطمه زهرا (س)
.
.
مرحوم دلریش
.
.
بولمم نه غمدی بو غم عالم گلوب نوایه
یوخسا دوتوبلا ماتم بوگون خیرالنّسایه
.
.
گرک بو غمده شیعه گله چوخ شور و شینه
يتوب بیر بیله محنت رسول ثقلینه
گلون ائدک کومک لیک یاران گینه حسینه
توکاخ سرشک دیده وئراخ صدا صدایه
.
.
آل على تماما اولمیش ملول و مغموم
آچمیش باشینی زینب گلوب نوایه کلثوم
الده عمامه ایلر ناله حسین مظلوم
چیخوب صدای شیون بوگون عرش خدایه
.
.
فریاد او وقتیدن کیم وئروب امام زمن
بنت پیمبره غسل ائدوب حنوط و کفن
گلدی فغانه اول دم دئدی حسین و حسن
بیزی آل بير کناره آنا باخ بو نوایه
.
.
بسکه او ایکی قارداش گلوبلر آہ و زاره
حسرتله اشک خونین گوزدن توکوب عذاره
ناگه آچوب قولینی جان تک آلوب کناره
قان آغليوب ملایک او دم بو ماجرایه
.
.
یاران اولور بو نسگیل دلدن نئجه فراموش
هر آن دوشر خیاله ایلر بو درد و غم جوش
اولوب آنا باليلن گرچه بوردا هم آغوش
اوچدی بو مرغ گوگلوم گینه کرب و بلایه
.
.
فریاد او وقتیدن کیم گوروب نازلی سکینه
یارالی قوملار اوسته دوشوب شه مدینه
عرض ائتدی التفات ائت بابا من حزینه
یارالی سینون اوسته یر وئر بو بینوایه
.
.
آچوبدي قوللارینی شهنشه لب عطشان
او طفل ناتوانی باسوب باغرينه چون جان
الينده تازیانه يتوب شمر بی ایمان
ووروب آتا بالانی باخون شرم و حیایه
.
.
او بلبل غریبی آییردی اوز گلیندن
نئجه اولماز گوگول قان سکينه نسگیلیندن
دیردی کیم منیم تک آیری دوشوب ائلیندن
اولوب بر خوردالوقدا اسیر اهل جفایه
.
.
دیار کربلاده برهم اولوب جلالون
گئدوب يغمایه یکسر بوگون مال و منالون
قالوب دشمن الينده بابا بیکس عیالون
روادی بو ستملر عيال مصطفایه
.
.
بویاندا اهلبيتون تمامی دست بسته
بویاندا جسم پاکون قالوب توپراقلار اوسته
نئجه گورسون باباجان بو زار و دلشکسته
ووروبلا اهل كينه باشون نوک جدایه
.
.
#فاطمیه #دلریش #فاطمیه_شهادت #ترکی #زبدةالاشعار
نظر دهید