گلون مدینیه ساری سفر ائدک بو گئجه #باقریه_سیدبشیرحسینی

شادمانه امام محمدباقر علیه السلام
.
.
سید بشیر حسینی میانجی
.
.
گلون مدینیه ساری سفر ائدک بو گئجه
عطیرلی کوچه‌لریندن گذر ائدک بو گئجه
.
یاغیش یاغیب یوولوب قالمیوبدی توز تورپاق
هوا صفالی‌دی دقت اگر ائدک بو گئجه
.
ولایتین بولاغیندان ایچَک ادب سُوونی
ارادتین آغاجین پر ثمر ائدک بو گئجه
.
سپولّه گول یئره گؤیدن گؤی اهلی شادلیق ائدور
گوزلدی شادلیقیلان بیز سحر ائدک بو گئجه
.
گلوب محمدِ باقر جهان جنانه دونوب
بو امریدن هامی‌نی باخبر ائدک بو گئجه
.
آناسی فاطمه‌دی دختر امام حسن
قدم‌لرینه نثارِ گهر ائدک بو گئجه
.
آتاسی زین العباده دییَک گؤزون آیدین
بو یاخشی وقتی مبادا هدر ائدک بو گئجه
.
حسن حسین نوه‌سی گؤز آچوبدی دنیایه
بو شادلیقی یئری وار ضربدر ائدک بو گئجه
.
بهشتی گؤرماقی بیز نیلیروق بو یارین اگر
گوزل جمالینه بیر یول نظر ائدک بو گئجه
.
بو بزم جشنیده یاندیرماقا اؤزرّیگی بیز
اوجاقی پوفلویاراق شعله‌ور ائدک بو گئجه
.
«وَ انْ یَکاد» اوخوسون «حاجی»، «شیخ» شوقیلن
بو نوعی بدنظری کور و کر ائدک بو گئجه
.
پیمبرین یئتیروبدی سلامی‌نی جابر
بونا سلام گرَک سر به سر ائدک بو گئجه
.
سسون خوش اولسا «بشیر»ین اوخی گؤزل غزلین
هَزاره چوخدی، سؤزی مختصر ائدک بو گئجه
.
ظهور حضرت مهدی‌نی ایسته بایراملیق
مس خیالیمیزی مثل زر ائدک بو گئجه
.
.
.
#باقریه_سیدبشیرحسینی #ترکی #زبدةالاشعار #باقریه_میلادیه