شهادت رسول اکرم (ص)
.
✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
.
هر کیمسنه محتاج دور روز جزا پیغمبره
دوتسون گرگ اخلاصیله بوگون عزا پیغمبره
آغلار بوگون کون و مکان ارض و سما پیغمبره
.
.
هر گوشه دن اوج ایلیوب افغان و ناله تازه دن
آواز فریاد و فغان چخمش بوگون اندازه دن
دوشموش جهانه غلغله بو ناله و آوازه دن
اولموش تمام، ماسوا ماتم سرا پیغبره
.
.
یکسر گریبان چاک اولوب سُکّان افلاک برین
ایلر مناجات عزا افلاکده روح الامین
یاسه باتوبدور ماخلق لرزه ایدر سطح زمین
آغلار او عزّتله بو گون عرش خدا پیغمبره
.
.
چکدی بو شه چوخ محنت و اندوه و غم اسلامده
اولمادی بیر لحظه ایده آسوده لوق ایّامده
بیر عمر دلشاد اولمادی نه صبحده نه شامده
یتدی اذیّت گون بگون بی انتها پیغمبره
.
.
قومین الیندن هر قدر چکدی مصیبت بی شمار
گلموب مقام شِکویه اول معدن علم و وقار
گه باشینه کول توکدولر ایتدیله گاهی سنگسار
اولموب بو قدری ظلملیر هیچ مقتدا پیغمبره
.
.
امّتدن اوتری اودلارا سالدی اوزین صبح و مسا
همخانه اولدی محنت و اندوهیله اول مقتدا
تنگه گلوب جاندان دویوب اولدی داخی مرگه رضا
از بسکه امّتدن یتوب جور و جفا پیغمبره
.
.
یتدی همان ساعت که جان تسلیم دلدار ایلسون
یغدی عیالین باشینه اوز مرگین اظهار ایلسون
آخر نفس اولادینی کامینجه دیدار ایلسون
باخسون دویونجا هم حسین هم مجتبا پیغمبره
.
.
بیر گوز دولاندوردی باخوب حسرتله اوز اطفالینه
دوشدی حسینه گوزلری یاندی اونون احوالینه
ویردی اجازه دیده دن اوُل دمده اشک آلینه
اولدی مجسّم محنت کرب و بلا پیغمبره
.
.
آچدی قولین جان تک باسوب آغوشه قد نورسین
گاهی بوغازیندان اؤپوب گه بوسه قیلدی دیدہ سین
سویلوب سنون احوالیوه حالی یتیشمز بیر کسین
عالم سنه آغلار حسین، سن آغلاما پیغمبره
.
.
رحم ایلمز اصلا سنه سن جان ویرنده دشمنون
بیر شربه سو ورمز عدو عطشان کَسَر باشون سنون
ایله سویالّار رختوی قویماز قالا پیراهنون
واضحدی گون تک سربسر بو ماجرا پیغمبره
.
.
آغلا «شهابا» متّصل توک عارضه اشک بصر
بو شور گوز یاشون ویرر آخر سنه شیرین ثمر
اولسا الونده حشرده بو نوحه و افراد اگر
خوشدل ملاقات ایلسن روز جزا پیغمبره
.
.
.
.
#پیامبراسلام_شهاب_تبریزی
#پیامبراسلام_شهادت
#هر_کیمسنه_محتاج_دور_روز_جزا_پیغمبره
#ترکی
.
✍️ #زبدةالاشعار ✍️
.
🆔: @nohe_torki
نظر دهید