وداع باماهِ مبارکِ رمضان
–
✍️زبدة الاشعار✍️
?: @nohe_torki
–
شاعر ؟؟؟
–
الوداع الوداع ماه رحمت
ماه احسان و ماه عبادت
آیلار ایچره گوزل آدلانوبسان
سنده معبوده وار یاخشی طاعت
بیز بیر آی اولدوق الله قوناقی
ایندی مشکل اولور چوخ فراقی
ماه طاعت ماه عزت ماه رحمت
سنده واردور لیلة القدر چوخ جلالت
–
باغریلار قان اولار فرقتونده
بیز واروق دائماً حسرتونده
سنده قرآن داخی نازل اولموش
وار سنون عالی بیر شوکتونده
قوزانور عرشه قرآن صداسی
سنده تقوادی روحین غذاسی
ماه طاعت ماه عزت ماه رحمت
سنده واردور لیلة القدر چوخ جلالت
–
خیر عمل اولسا وار چوخ ثوابی
واردی خیریله شرّین حسابی
پاک اولور چوخلاری معصیتدن
سنده نازلدی الله کتابی
وار سنون عالی بیر امتیازون
چوخ گوزلدی او راز و نیازون
ماه طاعت ماه عزت ماه رحمت
سنده واردور لیلة القدر چوخ جلالت
–
ماه احسان ، ماه غفران
سنده واردور بُیوک بیر جلالت
آی گوزل آی ، یوخ سنه تای
سن بیزه یتدون حقدن امانت
حیف اولا بیزلری ترک ائدورسن
بیزدن آیا که راضی گئدورسن
ماه طاعت ماه عزت ماه رحمت
سنده واردور لیلة القدر چوخ جلالت
–
#سبک_مطهری
? مرحوم استاد #سلیم_موذن
–
#رمضانیه_وداع #رمضانیه
#الوداع_الوداع_ماه_رحمت
#لاادری
#ترکی
–
✍️ #زبدةالاشعار ✍️
?: @nohe_torki
نظر دهید