یاتما یاتما اویان اکبر نوجوان #اکبریه_ناطق_اردبیلی

شهادت حضرت علی اکبر (ع)
..
..
#سبک_خیمه_نی_سیلمیشم
مشابه
..
..
ناطق اردبیلی
..
..
یاتما یاتما اویان، اکبر نوجوان
میوه ی قلب مادر، ای شبیه پیمبر
.
قان دوتان گوزلرون، یاندیرور قلبیمی
ای جوان دلاور، ای شبیه پیمبر
.
یاتما آرام جانیم – یاتما روح روانیم
ملک غربتده سنسن یاور و همزبانیم
..
..
..
..
..
عمریمون حاصلی بیر سنیدون على
قطع قیلدی امیدیم دشمن آلدى الیمدن
..
قالدیم آواره من کسدیلر چاره می
گور نجه آیری دوشدوم اقربا و ائلیمدن
..
مهربانیم اوغول نوجوانیم اوغول
تا قیامت اولونجا دوشمز آدون دیلیمدن
..
مدت عمریمی صرف قیلدیم سنه
آدیوی ائتدیم ازبر ای شبیه پیمبر
..
..
..
حشره دین آغلارام سینه می داغلارام
زلفوه توز قونوبدور بس لباسون نولوبدور
..
کیم لباسون سویوب بیله عریان قویوب
تپراق اوسته یاتوبسان گل جمالون سولوبدور
..
هاشمی خالوه عارض آلوه
قرمزی قان آخوبدور قاره گوزلر دولوبدور
..
هر زمان یل اسر كاكلوندن دگر
قلبیمی غارت ایلر ای شبیه پیمبر
..
..
..
شانه ویردوم علی کاکل زلفوه
عرصه گاهه گئدنده لشگرون رحمی گلسون
..
ویرماسونلار سنی تیر و شمشیریلن
نوجواندور دیسونلر کافرون رحمی گلسون
..
گل جمالون على گورسه خنجر اوزی
کسمسون حنجرون تا خنجرون رحمی گلسون
..
کاش ئولیدی آنون گورمیدی سنی
خاک و خون ایچره بی سر ای شبیه پیمبر
..
..
..
اقربالر منیم خاطریم ساخلادی
هر مجالسده اولدوم عزت و حرمتیلن
..
هر باخاندا على فخر ائدردیم سنه
طوی اساسی تدارک قیلمیشام زحمتیلن
..
ایندی سندن صورا احترامیم گئدر
آغلارام قان اولونجا گوز یاشیم محنتیلن
..
یوخدی سندن سوای کیمسنم تا اولا
ملک غربتده یاور ای شبیه پیمبر
..
..
..
بوقچادا معجر و زرنگاریم اوغول
ساخلادیم نوعروسون خاطرین ایلرم شاد
..
بو خیالی که حد رشده یتوب
اكبر نوجوانی ایلیم تازه داماد
..
من طویون گورمدیم بس ندن ئولمه دیم
گور نجه ظلم الیلن اولموشام خانه برباد
..
پوزدی مقصودیمی چرخ دون قلبیده
نسگلیم قالدى یكسر ای شبیه پیمبر
..
..
..
چکدیم اون سگز ایل زحمتون دهریده
حاصل زحمتیمدن بیر سنیدون گمانیم
..
غرق اولوبسان بئله قانیوه ظلمیله
یوخدی باشون بدنده باشوه من دولانیم
..
یاره لی جانیوہ جان لیلا فدا
گون قباقینده قالدون اولمادی سایه بانیم
..
زلفیمی ایلرم سایبان جسمیوه
قالمیوب باشدا معجر ای شبیه پیمبر
..
..
..
آرزو حسرتی دیلده قالدى على
بیرده زوّار اولیدی قبر پاكون اؤپیدی
..
رو به قبله دوروب بیر سلام عرض ائدوب
فیض آلوب محضروندن تا سعادت تاپیدی
..
آغلیوب گوز یاشین آب نیسان کیمین
محضر انورونده قبر پاکه سپیدی
..
جمع حضّاریلن نوحه خوانون اولوب
«ناطقون» الده دفتر ای شبیه پیمبر
..
..
#اکبریه #ناطق_اردبیلی #اکبریه_شهادت #ترکی #زبدةالاشعار