ای قولاری باغلی ئولن مظلوم بالام وای #حضرت_رقیه_تقایی_اردبیلی

زبانحال حضرت زینب (س) در شهادت حضرت رقیّه (س)
..
..
..
..
..
سبک ها #سبک_ای_درد_بی_درمانلارا …
و با اضافه کردن واگیر :
#سبک_یا_فاطمه_من_عقده_دل_وا_نکردم
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
..
‌مرحوم تقایی اردبیلی
..
..
..
ای قولّاری باغلی ئولن مظلوم بالام وای
یورقون بالام وای
عمّون سنه تاپمور کفن مظلوم بالام وای
یورقون بالام وای
..
..
..
دینجلدی جانون ظلمدن ای نازدانه
سالدی سنی دیلدن عزیزیم تازیانه
ئولدون آجوندان قالدی عمه ون یانه یانه
ای اصغره لای لای دییَن مظلوم بالام وای
یورقون بالام وای
..
..
..
نیلی اولوب ظلمون الیله گل یایاقلار
جبراً سارالدی قورخودان زیبا دوداقلار
قاچدون تیکان اوسته قابار اولدی ایاقلار
ای شمر الیندن دینجلن مظلوم بالام وای
یورقون بالام وای
..
..
..
زهرا آنام تک سینّون آز دردون چوخ اولدی
دل آچمیان قارداشیوه دایه اوخ اولدی
باشوندن عزّت سایه سی بیردن یوخ اولدی
ای حسرتیله جان ویرن مظلوم بالام وای
یورقون بالام وای
..
..
..
زجرون الی سنسون قولون اولموش یارالی
سالمیش کمنده دشمنون سن تک یارالی
سن تک یتیمون گون به گون رنگی سارالی
صولدون مثال نسترن مظلوم بالام وای
یورقون بالام وای
..
..
..
دولموش گوزون آلقانیله زهرا نظیریم
باتدون بو ویران خانه ده ماه منیریم
قالدون دیار شامیده غملی سفیریم
اطرافووی آلدی محن مظلوم بالام وای
یورقون بالام وای
..
..
..
بیر عمّه دئ قربانیوم بو دل کبابه
دونموش گوزومده گوز یاشیم غملی سحابه
قالمیش اوغولسوز رحم ایله بی کس ربابه
ای شمع جمع انجمن مظلوم بالام وای
یورقون بالام وای
..
..
..
شمری گورنده ابر تک ظلمیله دولدون
آخر او مشگین تللری حسرتله یولدون
گل برگ تک ای نازنین هر لحظه صولدون
سولماز سنون تک یاسمن مظلوم بالام وای
یورقون بالام وای
..
..
..
#حضرت_رقیه #تقایی_اردبیلی #حضرت_رقیه_شهادت #کوچ_شام #ترکی #زبدةالاشعار #کوچ_شام_تقایی_اردبیلی