شهادت حضرت ابوالفضل (ع)
سوال و جواب حضرت امام حسین (ع) با حضرت زینب(س)
..
..
..
مرحوم انور اردبیلی
..
..
..
زبانحال حضرت زینب (س)
..
گول تک سارالوبدور نیه رخسارون حسینیم
دردون دئ منم محرم اسرارون حسینیم
تنها قیدوبسن هانی سردارون حسینیم
غم فوجی حسین اوستوه اولما توکولوبدی
رنگون سارالوبدی نیه قدّون بوکولوبدی
..
..
..
گورم گوزوون یاشی وروب حلقه گوزونده
آشفته دی فکرون بلوسن قارداش اوزونده
قان ردّی سالوب تازه سنون نقشه یوزونده
فاش ایله جمالونده حسین جان بو نه قاندور
غم حادثه سین زیننه بُلدور نگراندور
..
..
داغلى دله صیّاد بلا اولما آتوب اوخ
اطفال پریشانیوه اصلا نظرون یوخ
حسرتله باخور خیمۀ عباسه گوزون چوخ
آندیر خبرین سن او جنابین گتوروبسن
قالدى أوزی بس هاردا، عقابین گتوروبسن
..
..
غم شرکتی ذی سهمم حسین جمله محنده
آگاه ایله قوی شرکت ایدوم دردیوه منده
بو حالدا سنی گورمدوم هیچ اکبر ئولنده
باخدوقجا سنه دردیم اولور دلده اضافه
قارداش ایلیوبسن نیه تغییر قیافه
..
..
جواب امام حسین (ع)
..
..
..
زینب خبر آلما دولانوب دورۀ ایام
مقصودینه آخر یتیشوب قوم بدانجام
گلدوم خطر اعلامین ایدم من سیزه اعلام
عزّتله یانان شمعوزی سوندیردیله زینب
امّیدوز اباالفضلدى ئولدوردیله زینب
..
..
..
ظلمون داشی دگدی دله غم داشنون اوستن
حسرتله توکون گوز یاشی گوز یاشنون اوستن
الان گلورم قارداشمون باشینون اوستن
شام أهلى جفا ایتدی ولی دویمادی گلدوم
میداندا منی آغلاماقا قویمادی گلدوم
..
..
قلبوز یری وار برگ خزان تک اسه زینب
آزادیدی هر کیمسه نوا ایلسه زینب
قور بزم عزا سیزله ویروم سس سسه زینب
غم بزمی قوروب قارداشما گلمه مشم من
دردیم گُتوروب اُوز باشما گلمه مشم من
..
..
شام أهلى باجی صاحب فتح و ظفر اولدی
بوندان صورا بو چول منه محض خطر اولدی
طاق ظفریم ظلمیله زیر و زبر اولدی
یاندی اورگیم ایلدوم افسوس قیتدوم
امّیدیله گیتدوم ولی مأیوس قیتدوم
..
..
گیتدوم باشی اوسته ایله که عطریمی آلدى
صحبت ایلدوک تشنه لری یادینه سالدى
یاددان یاراسی چخدی سیزون فکروزه قالدى
رمزاً یتوروب درد دلین گوز یاشی آخدی
گاهی منه حسرتله گهی مشکینه باخدى
..
..
پوزدی ایله احوالیمی جان قویمادى منده
سو فکرینی ایلوردی بله بُلدوم ئولنده
معلومدی سیزدن نگران گیتدی گیدنده
روحی طَیَران ایلدی اخیاره قوشولدی
جنّتده گیدوب جعفر طیّاره قوشولدی
..
..
آغوشه آلان سینۀ مجروحین اوخیدی
سالم یری اول قامت زیباده یوخیدی
سایر شهدادن یارا جسمینده چوخیدی
بیر حالیله یوخسا اونی یردن گوتورردیم
اکبر کیمی اولسیدی عباده گتورردیم
..
..
بیر چاره یولی گورمدی بو قلب شکسته
یاندی اورگیم ایلدی دردیم منی خسته
اُپدوم یوزینی باشنی قویدوم قومون اوسته
قلبیم ولی بیر ثانیه دینجلمدی زینب
قالخاندا ایاق اوسته دیزیم گلمدی زینب
..
..
..
#عباسیه #انور_اردبیلی #عباسیه_شهادت #ترکی #زبدةالاشعار
نظر دهید