زبانحال حضرت رباب (س)
..
..
..
#سبک_مهربان_بالام_لایلای
مشابه
..
..
..
مرحوم فرهاد فکری اردبیلی
..
..
..
نازلی دلبریم لایلای، ماه منظریم لایلای
اوخلانان سو اوستونده، دلسیز اصغریم لایلای
لایلای اصغریم لایلای
..
..
..
اوچ گئجه گونوز عطشان قالدون ای گونی قاره
دیرناقون یرى قالمیش ائتدی سینه می یاره
عفو ائله منی اوغلوم تاپمادیم سنه چاره
شاهدیم بو احواله حق داوریم لایلای
لایلای اصغریم لایلای
..
..
..
من سنه اوغول لایلای نه امیدیلن چالدیم
گولمدى یوزوم افسوس قاره گونلره قالدیم
ئولمدیم سنی عطشان خیمه دن یولا سالدیم
سن گئدن یولا حسرت باخدی گوزلریم لایلای
لایلای اصغریم لایلای
..
..
..
سو اول اوشاقیندور ایسته سه یوباتمازلار
بیر ایچیم سودان اوتری قانینه بویاتمازلار
هئچ شکاره سو اوسته رسمیدور اوخ آتمازلار
حرمله جفاسیندن سیندی شهپریم لایلای
لایلای اصغریم لایلای
..
..
..
حق یولوندا جان وئردون جانووه ننون قربان
اکبریله هم پایه شأنووه ننون قربان
سو کیمین آخان قانی قانووه ننون قربان
گل کیمین سولان رنگی غنچۀ تریم لایلای
لایلای اصغریم لایلای
..
..
..
هانسی مکتبون اولمیش دهریده بو اعجازی
ایلیوبدی بیر طفل شیرخواری جانبازی
هانسی ارتشون سن تک واردی خردا سربازی
حشره جک آدون اولدی باشدا افسریم لایلای
لایلای اصغریم لایلای
..
..
..
یاخشی وقتیده اولدون شاه دین هواداری
سربه سر بویانمیشدی قانه یار و انصاری
اولدون آخر صفده خرداجا علمداری
تک قالاندا میداندا شاه محشری لایلای
لایلای اصغریم لایلای
..
..
..
قلبینه فلک بذر درد و محنتی اکدی
باخدی بیر فرات اوسته بیلدی یاری یوخ تکدی
تیری تشنه حلقوندن یومدی گوزلرین چکدی
آغلادوبدی دنیانی غملی رهبریم لایلای
لایلای اصغریم لایلای
..
..
..
گلشنیمه بو چولده صرصر خزان اسدی
بو مصیبتون اوغلوم حشره جک منه بسدی
تیغیدن بتر اوچ پر اوخ بوغازوی کسدی
تشنه حلقووه قربان ای وای اصغریم لایلای
لایلای اصغریم لایلای
..
..
..
قانووی آتون اوّل اوجونا دوتوب باخدی
یاندی قلبی گوزیاشی چشمه لر کیمین آخدی
قانووی او بحراندا آغ محاسینه یاخدی
آغلادی دئدی دلسیز حقه مظهریم لایلای
لایلای اصغریم لایلای
..
..
..
دولدوروب گینه اُؤجون تا که کامکار اولسون
قانووی آتون سپدی گویده یادگار اولسون
شیعیه بو ارزنده تحفه افتخار اولسون
سسلنوبدی ای عرشه قانی زیوریم لایلای
لایلای اصغریم لایلای
..
..
..
سنده شعروه «فرهاد» ایسته سوزش و تأثیر
شرطی وار اولا توأم آه و نالۀ شبگیر
سؤز یاراندا گوز یاشین جاری ائت بلا تأخیر
سسله ای اولان زیبا آدی ازبریم لایلای
لایلای اصغریم لایلای
..
..
..
..
#اصغریه #فکری_اردبیلی #اصغریه_شهادت #ترکی #زبدةالاشعار
نظر دهید