لیلی عاشقدی على هی دیه جان گوزلریوه #اکبریه_سیفی_اردبیلی

زبانحال أم لیلا بر سوگ علی اکبر (ع) در بالین فرزند
..
..
..
#سبک_یارالی_جان_یارالی … 4 سبک
#سبک_ای_منیم_آرخام_ایلیم (با اضافه کردن واگیر)
..
..
..
سیفی اردبیلی
..
..
..
..
لیلی عاشقدی على هی دیه جان گوزلریوه
دولدوروب هانسی دنی بیر بیله قان گوزلریوه
..
..
..
..
آچ او قانلی گوزوی باخ منه ای نازلی بالا
گور سالوب لیلی بیچاره نی دردون نه حالا
بیله فکر ایتمه آنون سنسیز علی زنده قالا
باغلامشدیم نچه ایل رشته ی جان گوزلریوه
..
..
..
..
جان دیردیم سنه ایللر بوئی هر سوز باشنا
عزّت آئینه می چالدی بو فلک غم داشنا
جگریم قاننى قاتدی غم الى گوز یاشنا
حسرتیلن باخورام آهو نشان گوزلریوه
..
..
..
..
لیلی سجاده آچوب هی سنی ایلردی دعا
بد نظر ورمیا گوز حُسنوه رعنا بویوا
یوسفیم یاره لی سن واردی نه مرهم نه دوا
قان دولوب لیلی آنون بوسه وران گوزلریوه
..
..
..
..
کربلا صحنه سی اولموش بیز ایچون گلشن عشق
نه غم افزادی على هجرون آچان دامن عشق
بیچیلوب کهنه عبادن سنه پیراهن عشق
هی باخوب وای دیرم تز یومولان گوزلریوه
..
..
..
..
دور منی مرکب آمالیمه میندیر گوزلیم
دیله گل خسته ی هجرانوی دیندیر گوزلیم
دل پر سوزیمی بیر لحظه سئوندور گوزلیم
من دیوم جان بالا ویر سنده تکان گوزلریوه
..
..
..
..
ای منیم آهو گوزوم سروه مثل سویملی بوی
دیمورم دور تن لیلادن عزا رختنی سوی
اولسا امکانون اگر بیر الیوی سینمه قوی
گوزیمون یاشی ویرور گور نجه سان گوزلریوه
..
..
..
..
آنووام وار هوسیم قانلی یاناقوندن ئوپوم
داریوم تللروی تشنه دوداقوندن ئوپوم
ای پیمبر باخشیم قوی بیر ایاقوندن ئوپوم
وای دیوم طاقتیمی الدن آلان گوزلریوه
..
..
..
..
عمریمون زینتی سن قلبیمون آرامی علی
هانسی اولدوزدا اوغول سن کیمی وار نور جلی
بلشوب طرّه لرون توپراقا یوسف مثلی
نه گوزل سُرمه چکوب قرمزی قان گوزلریوه
..
..
..
..
یتیشوب قدرت ایمانیله عشقون ثمره
تیر مژگانون ایدوب کعبه ده رمی جمره
اوخشادوب خنجر کین آلنوی شقّ القمره
آغلاسام هر نه قدر آزدی آخان گوزلریوه
..
..
..
..
حسرت اولدی بالا بیر ثانیه لبخنده آنون
دوشه جک یوخدی سوزی غملر آچان بنده آنون
هجروون شمعینه پروانه دی شرمنده انون
ایده جک شام و سحر آه و فغان گوزلریوه
..
..
..
..
#اکبریه #سیفی_اردبیلی #اکبریه_شهادت #ترکی #زبدةالاشعار