سن خلیل عشق سن کئچدون هر ندن بابا #اکبریه_تفاخری_اردبیلی

زبانحال علی اکبر علیه السلام به امام حسین علیه السلام
..
..
..
#سبک_مسلمون_شهادتی …
..
..
..
مرحوم تفاخری اردبیلی
..
..
..
سن خلیل عشق سن کئچدون هر ندن بابا
سال منیمده بوینوما عشقیله کفن بابا
..
..
..
خاندان عصمتون من اول شهیدییم
عشقیمون ، عقیدمون بیر گوزل شهیدییم
نهضت حسینینون خوش عمل شهیدییم
گوندر اکبر اوغلووی تئز منایه سن بابا
..
..
..
راه عشقیده بو گون عشقیله دایانماسام
شمع عشقیوون اگر شعله سینده یانماسام
صدقیله گئدیب بوگون قانیمه بویانماسام
صادق عاشق اولمارام کوی حقده من بابا
..
..
..
جدّیمین شبیهییم خاطریم عزیز دور
دوره نی دوتوب سوسوز قیزلار اشکریزدور
نازنین سکینه کی بلبل حجیز دور
بیله آغلاما اونى ئولدورر محن بابا
..
..
..
دلده خوشدی نیّتیم آیریلیق زمانی دور
باشه یئتدی خدمتیم آیریلیق زمانی دور
وار سنه وصیتیم آیریلیق زمانی دور
ایله بیر به بیر عمل ای شه زمن بابا
..
..
..
عرضیمون بیری بودور لیلی بی پناه دور
گوزده اشکی قلبینون دردینه گواه دور
هم اسیر عشق دور هم انیس آه دور
تیتریور غمیمده چون برگ یاسمن بابا
..
..
..
عمّه مه بویور آنام چوخ داریخسا قویماسون
صبرینون بناسینی غصّه یخسا قویماسون
محمل اوسته ناله سی عرشه چخسا قویماسون
قورخورام آنام ئوله یولدا شامه جن بابا
..
..
..
ای وجود اقدسی کایناته افتخار
بیر سوزومده قارداشیم زین العابدینه وار
اوندا کی گلوب قازار بوغریب ایچون مزار
جسمیمیز بو تپراقی ائیلییر وطن بابا
..
..
..
آلجافین قوجاقینه قانلی نعشیمی منیم
راضی اولماسین اولا آیری یئرده مسکنیم
دلخوشام ایاقوون آلتدا اولسا مدفنیم
قبریمی آییرماسین غملی قبریدن بابا
..
..
..
بیللم عاقبت بو یئر عالی بیر مقام اولار
محفل بکا اولار مرکز سلام اولار
درگهونده شاه لر کمترین غلام اولار
عرشیدنده باش بیلر بقعه وی گورن بابا
..
..
..
زائرین مزارووه دسته دسته گلسه لر
گوزلرینده گوز یاشی دل شکسته گلسه لر
باشووه دولانماقا پای خسته گلسه لر
سینه مه ایاقلارین قویسون هر گلن بابا
..
..
..
#اکبریه #تفاخری_اردبیلی #ترکی #زبدةالاشعار #اکبریه_شهادت