کیمدی کی عشقی حسینون عشقینه همتا اولا #حسینیه_عدلی_تبریزی

درمدح ومقام
حضرت امام حسین علیه السلام
..
حاج اصغر فرشچی (عدلی تبریزی)
..
کیمدی کی عشقی حسینون عشقینه همتا اولا
آختارارسان تا قیامت زحمتون بیجا اولا
..
كيمدی جدّی احمد اولسون حيدرصفدر آتا
مجتبی قارداش اونا هم مادری زهرا اولا
..
كيمدی مخلوقات ايچينده عالم امكانيده
جان ويره الله يولـونـدا سيّـد والا اولا
..
كيمدی جدّی اشرف الناس خاتم پيغمبران
خاتم عشاق اوزی معشوقه سی يكتا اولا
..
كيمدی اوغلی قارداشی باب الحوائج آدلانا
خواهری نسوان ايچيند زینب کبری اولا
..
كيمدی ايرمی يدّی ايلده بسليه بيرنوجوان
خَلـقاً و خُلقاً شبيه حضرت طاهـا اولا
..
كيمدی قبری رشك فردوس برين وعرشيان
تُربَتی درده دوا هم سجـديـه اولی اولا
..
بوحسيندور عشقیله ايچدی شهادت شربتين
كاش شهادت سرّنا عالم هامی دانا اولا
..
بوحسيندی چكدی حَراّجَه بوتون كالاسنی
بولدی اصلاً فرقی يوخ گر پيراولا برنا اولا
..
بوحسيندی همتی بی انتها و بی نظیر
تا قيامت زنده دی گـر ماتمی برپـا اولا
..
من حسيندن بوحسين مندن بويوردی مصطفی
قول ما يَنْطُق هوادن بوسوزی امضاء اولا
..
لعنت انس ومَلك اولسون اوكس لرحالينه
شرعه بدبين بی حجاب بد خواه بو مولا اولا
…
بارالها فضل واحسانون عطا ايت «عدليه»
محرم اسراریسن قویما اونی رسوا اولا
..
..
..
..
#حسینیه #عدلی_تبریزی #حسینیه_مدح #ترکی #زبدةالاشعار