غم یتوبدى نینواده آل مصطفایه قارداش #قاسمیه_ذاکر_هشترودی

شهادت حضرت قاسم (ع)
..
..
..
..
ذاکر هشترودی
..
..
..
..
غم یتوبدى نینواده آل مصطفایه قارداش
قاسمیم بویاندی قانه سنده گل عزایه قارداش
..
..
..
..
یالواروب آلوب اجازه گیتدی قاسمیم جهاده
جنگ ایدوب یورولدی آخر دشمنی دوشوب عناده
چوخ ویروبدی یاره دشمن قالدی پیکری اراده
بیر عبا گتور گلنده سنده کربلایه قارداش
..
..
..
..
باشی اوسته شاه دینون دلده آه و واسی واردی
گوردی قاسمون باشیندا غملی ماجراسی واردی
آلدی باشینی دیز اوسته گوردی چوخ یاراسی واردی
سسلنوبدی گل حسن جان دشتِ غم فزایه قارداش
..
..
..
..
قاسمون غمی حسن جان قلبیمه وروبدی یاره
آتلارین ایاقی آلتدا اولدی جسمی پاره پاره
خیمه ده آناسی گوزلور ایندی سالدی باشه قاره
هر اوغول سالار آنانون باشی اوسته سایه قارداش
..
..
..
..
گوزلری دولوبدی قاندان قاسمون وفالی قارداش
قانینه باتیبدی اوغلون اولموسان عزالی قارداش
سن بقیعده سن بالون چون اولدی کربلالی قارداش
دوغرانان جنازه سین گل تز قویاخ عبایه قارداش
..
..
..
..
ناامید اولوب اوتوردی قاسمین آلوب قوجاقه
سیلدی قانی گوزلریندن قویدی بیر دوداق دوداقه
یاتما قان ایچینده قاسم دورگیلان دیدی ایاقه
دعوت ایلیوبدی بیرده قارداشین عزایه قارداش
..
..
..
..
دنیا بی وفادى «ذاکر» شان و شوکتی یالاندی
عمروین بهاری گیتدی حیف اولا داخی تالاندی
مورد قبول زهرا اولسا سوزلرون قالاندی
نصف شب الون گوتور سن عجزیلن دعایه قارداش
..
..
..
..