در شهادت حضرت امام صادق (ع)
.
✍️ #زبدةالاشعار ✍️
.
🆔: @nohe_torki
.
حاج اسماعیل زرین
.
بوگونده رحلت ایدوب شیعه حجت خالق
امام مفترض الطاعه حضرت صادق
.
یقین بو غمده قان آغلار بوگون امام زمان
که تپراق آلتنا گتدی او ناطق قرآن
.
هزار حیف که قبره گیدوب او شاه انام
داخی حضورینی درک ایتمدی خواص و عوام
.
هزار حیف که خورشید اولیا باتدی
او شخص باعظمت زیر خاکده یاندی
.
هزار حیف که ایتدی غروب او شمس هدا
تمام یر یوزونی چولقادی شب یلدا
.
او کنز حکمت اولوب زیر خاکده پنهان
تمام اهل ولانون گوزی اولوب گریان
.
او کوه علم نهان اولدی حیف گوزلردن
اوزولدی سامعه لر در نثار سوزلردن
.
اولار که قبرینی تپراقلیوب توکوب قان یاش
او دمده باشلارینا تپراقی سپیدیله کاش
.
او یر کی دفن اولونوب اوردا حضرت صادق
بهشت عدنه سزادور او یر اولار فائق
.
او کس که دائم اونا قدسیان اولار پابوس
او شان صاحبی الدن گیدوب هزار افسوس
.
اوئیکه دانش و علمه ویروب وجودی شرف
اولوبدی حیف خدنگ جفا و جوره هدف
.
اگرچه ظلمیله شمع حیاتی اولدی خموش
ولیک نورینه اهل جهان ایدر کُرنوش
.
اولان بیر عده ولی عقل و رشدیدن بیزار
ویرردی حجت یکتایه دائما آزار
.
وجود ذی شرفی رأیت هدایتیدی
حضوری عالم اسلامه فیض و رحمتیدی
.
اونون وجودی ئیله تازه لندی شرع نبی
یتیشدی عالمه دین محمد عربی
.
اونون حضوریدی دلرده آرتوروبدی صفا
تمام قلبلرون دردینه ایدوبدی دوا
.
اونیله گلشن اسلامده آچوب گللر
دولوبدی نور حقایقله گون بگون دللر
.
خبیث و طیبه صحبتلری ویرویدی تمیز
ایدوبدی سینه لری علم و حکمتی لبریز
.
حقایقیله بو سطح جهانی دولدوردی
على ولایتین اهل جهانه بولدوردی
.
بنی امیه نین ایتدی فضایحین افشا
ایدوبدی اهل جهان ایچره تا ابد رسوا
.
حسین مصبتین ایتدى آتاسی تک عنوان
گلنده نام حسین گوزلری اولوب گریان
.
حسین عزاسینه مؤمنلری ایدوب تشویق
حسینه آغلیوب آغلاتماقی ایدوب تصدیق
.
حسین حسین دیدی آخر جهانی ترک ایتدی
نمازی آخر عمرونده تاپشوروب گتدی
.
امامین امرینه زرّین همیشه قیل طاعت
نمازی قائم ایله ائت حسینه ده خدمت
.
.
#صادقیه_شهادت
#بو_گونده_رحلت_ایدوب_شیعه_حجت_خالق
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید