قان یاغدی کربلاده صحرایه یامحمد #حسینیه_یحیوی_اردبیلی

#کرب_و_بلا_چولونده
#عاشورا_گونی
رجز در شهادت امام حسین (ع)
..
..
#سبک_احوالیمیز_یاماندی
..
..
مرحوم یحیوی اردبیلی
..
..
..
..
قان یاغدی کربلاده صحرایه یامحمد
ئولدی حسین خبر وئر زهرایه یامحمد
..
..
..
..
یئل اسدی گون دوتولدی آشوب کربلادن
لرزه زمینه دوشدی قان یاغدی نه سمادن
قاتل گلوب حسینون کسدی باشین قفادن
خون خدا توکولدی بیدایه یامحمد
..
..
..
..
ظهر اولدی کربلاده وقت شهادت اولدی
قان پرده سینده پنهان شمس امامت اولدی
قانلو باشون جداده ذکری تلاوت اولدی
قویدی حسین اوز عهدین اجرایه یامحمد
..
..
..
..
یوز قویدی تله قاچسون زینب حرمسراده
قارداش باشی گلوبدور پیشوازینه جداده
باشدان اوجالدی اللر صحرای غم فزاده
پخش اولدی واحسینا دنیایه یامحمد
..
..
..
..
غسل ائتدی اهل بیتون خونابه ی ترینده
کفن اولدی زینبینون گیسوی عنبرینده
قازدی اوزی مزارین تلّون برابرینده
نهر فراتی وئردی سقایه یامحمد
..
..
..
..
لازم دگل گتورمه گوگدن بهشت عباسی
ثاراللهه بوکولدی نیلور حسین لباسی
باخ باشینه جداده آزدور اونون یاراسی
گودال ایچینده باخما اعضایه یامحمد
..
..
..
..
بازار عشق ایچینده تنها حسین دولاندی
بیر معنوی تجارت اقبالینه توخاندی
وئردی متاع عمرین حکم بقا قازاندی
الله رضاسین ائتدی سرمایه یامحمد
..
..
..
..
فرمایش ایله زهرا بانوی دلفکاره
سن که رضا دگلدون باتسون حسین غباره
بس هارداسان گل ایندی چک موجدن کناره
اوغلون دوشوبدو قانلو دریایه یامحمد
..
..
..
..
عالِم قیافه سینده اول شمر نامسلمان
گلدی حسینی گوردی گودالده وئرور جان
سو وئرمدی او حالدا خنجر قویوبدو دالدان
کسدی او باشی ساتسون ترسایه یامحمد
..
..
..
..
قطع علائقیله ترک ائتدی ماسوانی
«اَرنی» دئمز ائشیتمز آواز «لَن تَرانی»
قانی یازار حسینون «یاربّنا تَرانی»
بو عالمی نشان وئر موسایه یامحمد
..
..
..
..
گورسونله کربلانون کلیه واقعاتین
جبریل صورت ائتسون مجلس گزارشاتین
ذیلینده انبیالر یازسون مشاهداتین
تا ال به ال یتیشسون امضایه یامحمد
..
..
..
..
گل گور سنه نه رتبه الله قیلوب عنایت
تاپدی سنون حسینون قربانلوقا لیاقت
دئسون خلیل رحمان در ضمن سر سلامت
سن صاحب اولدون عید اضحایه یامحمد
..
..
..
..
#ترکی #حسینیه #حسینیه_شهادت #حسینیه_یحیوی_اردبیلی #سبک_احوالیمیز_یاماندی #عاشورا #عاشورا_گونی #کرب_و_بلا_چولونده #یحیوی_اردبیلی