ای یزید بی حیا من بنت طاها زینبم #مجلس_یزید_نادری_میانجی

مجلس یزید
..
..
..
..
مرحوم نادری میانجی
..
..
..
..
ای یزید بی حیا من بنت طاها زینبم
فارغ التحصیل دانشگاه زهرا زینبم
..
..
..
..
جد پاکیم احمد محمود دور خیر الورا
شیر یزداندور بابام آدی على المرتضا
حضرت صدّیقۀ کبرا آنام خیر النّسا
آیۀ تطهیر ایچون تفسیر معنا زینبم
..
..
..
..
باعث ایجاد عالمدور بابام ختم رسول
یوخ حیا سنده اونون اولادینی ایتدون ملول
محشر کبراده سندن بازخواست ایلر بتول
ظلموی ظالم ایدن دنیایه افشا زینبم
..
..
..
..
مجلسونده اگلشوبلر چوخ سفیران دُوَل
سن سوروش بونلاردان ئوز اعمالوی ای بد عمل
هانسی، پیغمبرله سن تک امّتى ایلر جدل
آلتی قارداش باجیسی شام ایچره تنها زینبم
..
..
..
..
ناطق قرآنلا دعوا اهل قرآن ایلمز
مظهر ایمانه ایذا اهل ایمان ایلمز
سن گورن ظلمی داخی هیچ نامسلمان ایلمز
فرقۀ کفری ایدن عالمده رسوا زینبم
..
..
..
..
باغلیوبسان قوللاریما ظلملن بند و طناب
اشقیالر مجلسینده ساخلیوبسان بی نقاب
من او شخصم باشیمه گون دوشمگه ایلر حجاب
زادۀ بدرالدّجا فرزند بطحا زینبم
..
..
..
..
چرخ بدفرجامدور مظلوم اولوب آزاده لر
دینه حاکمدور بو گون کافر غلامی زاده لر
کاخ اولوب ویرانه لر ویران اولوب آباده لر
عزّتین الدن ویرن دلبند زهرا زینیم
..
..
..
..
چوخ غرور اولما بساط جور استبدادیوه
باغلیوبسان اقتدا گر کفریده اجدادیوه
اود وروبسان أوز الونله خانۀ بربادیوه
شیرزاده شیر زن شمشیر برّا زینبم
..
..
..
..
باش که طشت ایچره قویوبسان سیّد بطحادی بو
زادۀ خیر البشر سلطان او ادنی دی بو
پنج تن ختمی حسین سلطان بی همتادی بو
خیزران وور ایلین بوردا تماشا زینبم
..
..
..
..
نیلیوم قول باغلیام عباسیمه چاتماز الیم
کربلا دشتینده دوغراندی عداوتله ائلیم
صبره دعوت ایلیور نسلیمدہ کی عقل سلیم
همرهیم دور ام کلثومیله لیلا ،زینبم
..
..
..
..
قدرتیم وار حفظ ایدم تا عترت طاهانی من
قوی جهانگیر ایلیوم بس حرمت قرآنی من
عیبی یوخ دینون یولوندا گر چکم ایذانی من
نهضتی تکمیل ایدن بیخوف و پروا زینبم
..
..
..
..
نادری یاز اشک چشمونله بو شرحی دفتره
فرض ایدردی هر گورن چیخمش پیمبر منبره
رفع اولوب سوء التفاهم باخدی مردم بیر بیره
ایلین ئوز نقشنی ، زیبنده ایفا زینیم
..
..
..
..
#مجلس_یزید #نادری_میانجی #ترکی #زبدةالاشعار