چاتدی عمروم منیم انتهایه #فاطمیه_عدلی_تبریزی

زبانحال حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
سبک : ای قلم … مطهری …. جامۀ عشقیوی … کاروان رفته منزل به منزل….
.
چاتدی عمروم منیم انتهایه
دورت بالام قویما گلسون نوایه
آخرین لحظه لردی عم اوغلی
لطف قیل سال باشیم اوسته سایه
.
آغلاما سینوی داغلاما چوخ
آیریلیق دردینین چاره سی یوخ
.
.
.
.
وار باشیندا حسینون بلاسی
غملی بیر ماجرا کربلاسی
گل حضورون اولا قانلی چولده
اول بتولون او دم هم نواسی
.
آغلاما سینوی داغلاما چوخ
آیریلیق دردینین چاره سی یوخ
.
.
.
ضد قرآنه مجلس قورولدی
فاطمه جور و ظلمه یورولدی
هانسی جرمه منیم بو زماندا
سیلی کین یوزومدن وورولدی
.
آغلاما سینوی داغلاما چوخ
آیریلیق دردینین چاره سی یوخ
.
.
.
یاندیم حقون آلاندا دایاندیم
سن یانان اودلارا منده یاندیم
بیعت اوسته قاپوم اودلاناندا
قانیمه اوز قاپومدا بویاندیم
.
آغلاما سینوی داغلاما چوخ
آیریلیق دردینین چاره سی یوخ
.
.
.
گلشنه صرصر ظلم اسدی
میخ درطاقت و صبری کسدی
باب وحی اود آلاندان مریضم
ایستورم قورتولام عمر بسدی
.
آغلاما سینوی داغلاما چوخ
آیریلیق دردینین چاره سی یوخ
.
.
.
ترک ایدور فاطمه بو جهانی
غسل و دفنین گجه ایت نهانی
قول سنوب سینمین یاره سی وار
قبریمه قوی یواش خسته جانی
.
آغلاما سینوی داغلاما چوخ
آیریلیق دردینین چاره سی یوخ
.
.
.
خالق هر دو عالم الهی
واردی بو«عدلینون» چوخ گناهی
قورخوری قبرین اوّل شبیندن
ایت عنایت او دم اول پناهی
.
آغلاما سینوی داغلاما چوخ
آیریلیق دردینین چاره سی یوخ
.
.
.
#سبک_ای_قلم… #سبک_جامه_عشقیوی… #سبک_کاروان_رفته…
.
.
.
#فاطمیه_شهادت
#چاتدی_عمروم_منیم_انتهایه
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki