زینب یتیشدی سیرده کامه چاتان یره #اربعین_رجایی_تبریزی

اربعین
..
..
..
..
سید محسن رجایی تبریزی
..
..
..
..
زینب یتیشدی سیرده کامه چاتان یره
یعنی سرور سینۀ زهرا یاتان یره
..
..
..
..
راوی دییر که حاضریدیم من همان زمان
اعلان أئدنده نقطه ی مقصودی ساربان
ایله توكولدولر یره افراد کاروان
گویا توكولدی باغیده برگ خزان یره
..
..
..
..
کوی بلاده منظر زهرانی تاپدیلار
درد تمام عالمه درمانی تاپدیلار
یعنی مزار شاه شهیدانی تاپدیلار
دلده فغان دوشندیله پیر و جوان یره
..
..
..
..
دشت بلانی گوردوله بیر گلستان اولوب
هر عندلیب اوز گولونه باغبان اولوب
اما او جمعه شورش محشر عیان اولوب
ناگه أننده لیلی بی خانمان یره
..
..
..
..
حجب و عفافه معنی و كان حیا رباب
دلده بیر اوزگه نیّتیله باوفا رباب
اوز اصغرین بهانه ائدوب بینوا رباب
قویدی یوزون او غنچۀ عطشان یاتان یره
..
..
..
..
قبری یووالّا رسمیدی آب و گلابیله
سپدی گلاب اشکینی لیلا ربابیله
دولدی مزار شاه جهان مشک نابیله
قیزلار سپنده طرّۀ عنبر فشان یره
..
..
..
..
مفتوح گوردی تا باجی ابواب چاره نی
یاندیردی داغ درده دل سنگ خاره نی
تا قبری اوسته پیرهن پاره پاره نی
آچدی داغیلدی عطر گل ارغوان یره
..
..
..
..
سویلوب بو خاک قبردی یا کوه طوریدی
یا زینبه قرار دل ناصبوریدی
شش گوشه بیر ستاره دی که غرق نوریدی
یا آی سالوبدی نقشینی قارداش عیان یره
..
..
..
..
بیر شرحه شرحه سینه دل داغداریله
درد دله دل آچدی اودم یار یاریله
سویلوب اورکده درد و غم بی شماریله
تقدیر چکدی زینبوی چوخ یامان یره
..
..
..
..
بو نقطه دن باجون سنیله آچدی فاصله
مشغول اولوبدی آی کیمی طىّ منازیله
طیّ طریقیده یتیشوب سیر کامله
پرگار وار گزدی قایتدی همان یره
..
..
..
..
قارداش نلر دیوم سنه اوضاع شامدن
گوندوز گوزومده تیره و تار اولدی شامدن
اول صحنه لر که گوردی باجون بزم عامدن
بیر شمّه شرح اولا چکولر سوز نهان یره
..
..
..
..
قارداش یزید و بزم می و مجلس قمار
سجاد محضرینده او بی شرم و نابکار
امر ایلدی مقابل تختینده قویدولار
طشت طلاده باشویله خیزران یره
..
..
..
..
ساقی وئرردی باده پیاپی قوناقلارا
برپا ائدردی شور قیامت اوشاقلارا
هردم ویراندا چوبیله عطشان دوداقلارا
قیزلار سپردی گوهر اشک روان یره
..
..
..
..
هانسی جفا خزان ایلدی نوبهاریوی
دور شرح قیل بو خسته دله حال زاریوی
امکان اولیدی کاش آچیدیم مزاریوی
زینب قوییدی لبلرینی اوخ باتان یره
..
..
..
..
گر ایستوسن زیارت بیر وقفه اربعین
ای نوحه ساز بزم عزا آغلا دلغمین
فوج ملک نزول ائدر افلاکیدن یقین
شاه شهیده مجلس ماتم دوتان یره
..
..
..
..
استاد سوز یازاندا اولار سؤزلرین گوزی
«مجنون» یازوب بو شعری ولیکن بولر ئوزی
اولماز سؤزی «شبیری» شیرین سخن سؤزی
گر یر گئده سمایه گله آسمان یره
..
..
..
..
#اربعین #رجایی_تبریزی #ترکی #زبدةالاشعار