دور ایاقه بیر قبریدن حسین میهمان گلوب باغریقان باجون #اربعین_احمدی_جوان

اربعین
زبانحال حضرت زینب کبری (س)
..
..
..
..
احمدی جوان
..
..
..
..
دور ایاقه بیر قبریدن حسین
میهمان گلوب باغریقان باجون
دور ایاقه پیر پیشواز ایله
شامیدن گلوب ناتوان باجون
..
..
..
..
بیله یاتماقون نازیله حسین
قلبیمه سالور تازدن شرر
خردا قزلارین وای بابا دیوب
آهو تک حسین روز و شب ملر
شام محنتی یاندروب منی
شمر تهمتی قلبیمی دلر
گوردوگی مصیبتلری سنه
بیر به بیر دیسون مهربان باجون
..
..
..
..
ایلدی مزیّن بساط می
ابن معاویه خانه سی خراب
بیر طرفده شامون جماعتی
صف چکوبله مجلسده شیخ و شاب
امر ایدوب یزید ایتمیوب حیا
مجلسه گله آل بو تراب
گورمدی او مجلسده یا حسین
حال زاریوه بیر یانان باجون
..
..
..
..
بو سفرده گورنه بلا چکوب
دوشموشم حسین گور نه گونلره
ویردیله مكان بیر خرابه نی
شامون اهلی آل پیمبره
گوردولر آدامسیز عیالوی
ایتدیلر شماتت حرملره
ساخلیوبدی قلبینده بو غمی
تا سنه دیسون بو زمان باجون
..
..
..
..
روزگاره باخ اعتباره باخ
من هارا او ویرانه یر هارا
ساکن اولماقیم اول خرابه ده
ویردی قلبیمه تازه دن یارا
شمر شوم او نازلی رقیه نون
هر گون ایلمیشدی گونون قرا
محنتی قبول ایلدی او گون
ویردی عالی بیر امتحان باجون
..
..
..
..
گوردوم آغلوری بیر گیجه دیدیم
آغلیسان نیه یاتموسان قیزیم
بس ندور سبب خون قلبوی
اشک چشموه قاتموسان قیزیم
عمّه وه جواب ویرموسن ندن
گوزدن اولما سن آتموسان قزیم
صبحه تک او ویرانه شامیده
قولّارا اولوب پاسبان باجون
..
..
..
..
آغلیوب دیدی عمه جان بو گون
عمریمون بهاری خزان اولار
گلشنیم سولار باد ظلمیلن
بلبلان غم نوحه خوان اولار
ممکن اولماسا دفنیمه کفن
چین زلف عنبر فشان اولار
اولمادی کفن دفن ایده اونی
قلبی غصّه دن قان اولان باجون
..
..
..
..
عزّتیله بسلنموش عترتین
ظلم الیله خوار اولدولار حسین
بسکه آج قالوب خرده قزلارین
ساری گل کیمی سولدولار حسین
ئولدی بیر بالان شام شومیده
عترتین ساچین یولدیلار حسین
دلده یوخدی طاقت دیسون سنه
نیلیوب بیزه شامیان حسین
..
..
..
..
اولمادی بالان بیرجه دفن ایدن
بو مصیبته سینه داغلادیم
باتدیم اوندا من تازه دن غمه
قاره اوستونه قاره باغلادیم
اولمادی نه غساله نه کفن
یاد ایدوب سنی اوندا آغلادیم
دفن ایدوب اوزی سینه داغلادی
سرو قدی اولموش كمان باجون
..
..
..
..
یاتماقون بیان ایلوری منه
دشمنون حسین چوخ یوروب سنی
نیزه داش قلج یاره سی ز بس
جسمیوه ویروب فرقۀ دنی
عزّتیم جلالیم گیدوب حسین
قوم اشقیاده سویوب منی
بو سفرده گتدی سنه بوگون
قاتلی کوینگون ارمغان باجون
..
..
..
..
ای شهنشه تشنه لب حسین
نور دیدۀ شاه انس و جان
آغلارام بو محنتده روز و شب
دلده ایلرم بو غمی نهان
تا گلوب حضورونده عرض ایده
بیرده بو سوزی شوقیله «جوان»
دور ایاقه بیر پیشواز ایله
شامیدن گلوب ناتوان باجون
..
..
..
#اربعین #احمدی_جوان #ترکی #زبدةالاشعار